ޖަލުތަކުގައި ކޮވިޑް ފެތުރުން ހުއްޓުވިއްޖެ, ހަރަކާތްތެރި އެއްވެސް ވޭދަނައެއް ނެތް

ޖަލުތަކުގައި ކޮވިޑް-19 ފެތުރުން ހުއްޓުވިފައިވާކަމަށް ކޮމިޝަނަރ އޮފް ޕްރިޒަންސް އަހްމަދު މުހައްމަދު ވިދާޅުވެއްޖެއެވެ.

އަހްމަދު މުހައްމަދު ކުރެއްވި ޓްވީޓެއްގައި ވިދާޅުވީ ހުރިހާ ޖަލެއް ވެސް ވަނީ އާންމު ހާލަތަކަށް ގެނެވިފައި ކަމަށެވެ.

މީގެ އިތުރުން ޖަލަށް ޒިޔާރާތް ކޮށްގެން އާއިލީ ބައްދަލުވުންތަކާއި ވަކީލުންނާ އެކު ބާއްވާ ބައްދަލުވުން ހަމަޖެއްސުމަށް ވާންޖެހޭ ތައްޔާރީތައް ވަމުންދާ ކަމަށް ވެސް އޭނާ ވިދާޅުވިއެވެ. އަދި މި ހަފްތާ ތެރޭގައި އެކަމަށް ހާއްސަ އުސޫލެއް ވަރަށް އަވަަހަށް އާންމު ކުރެވޭނޭ ކަމަށް ވެސް އޭނާ ވިދާޅުވިއެވެ.

ކަރެކްޝަނަލް ސާވިސްގެ މީޑިއާ އޮފިޝަލް ޖަލުތަކުގެ އަދާހަމަ ހިއްސާ ކުރައްވަމުން “ދެން”އަށް ވިދާޅުވީ މިހާރު އެއްވެސް ޖަލެއްގައި ހަރަކާތްތެރި ވޭދަނައެއް ނެތް ކަމަށެވެ.