ޕާޓީއެއް ހެދުމުގެ ހުއްދަ އޭކޭއަށް މިފަހަރު ދީފި

ކުރީގެ ހޯމް މިނިސްޓަރު އަދި ދައުލަތަށް ގިނަ ހިދުމަތް ކުރެއްވި އަބްދުﷲ ކަމާލުއްދީން (އޭކޭ) އިސްކޮށް ހުންނަވައިގެން، އައު ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަނުން ހުއްދަ ދީފިއެވެ.

އޭކޭ އުފައްދަވަން މަސައްކަތް ކުރައްވާ ޕާޓީގެ ނަމަކީ "މޯލްޑިވްސް ސޮލިޑާރިޓީ ޕާޓީ" (ގައުމީ އެއްބައިވަންތަކަމުގެ ޕާޓީ)އެވެ.

އީސީން މިރޭ ބުނީ "ގައުމީ އެއްބައިވަންތަކަމުގެ ޕާޓީ" ގެ ނަމުގައި ސިޔާސީ ޕާޓީ އެއް އުފެއްދުމަށް މަސައްކަތް ކުރުމުގެ ހުއްދަ މއ. އާނުވެލި އަބްދުﷲ ކަމާލުއްދީނަށް ދިނުމަށް އިލެކްޝަންސް ކޮމިޝަނުން މިއަދު ނިންމައިފި ކަމަށެވެ.

ޕާޓީ އުފެއްދުމުގެ ހުއްދައަކަށް ފުރަތަމަ އެނގިވަޑައިގަތުމުން، ކަމާލުއްދީންގެ ނަން އެމްއާރްއެމްގައި އޮތުމުން އައު ޕާޓީއެއް އުފެއްދުމުގެ ހުއްދަ ނުދޭން އިލެކްޝަންސް ކޮމިޝަނުން ނިންމިއެވެ.