އޯ ލެެވެލް އަދި އެސްސީސީ އިމްތިޙާންގެ ނަތީޖާ ދޫކުރަން ފަށައިފި، ކާމިޔާބަށް އެދެން!
މިދިިޔަ އަހަރުގެ މެއި/ޖޫން ގައި ބޭއްވި ކެމްބްރިޖް އޯ ލެވެލްއާއި އެސްއެސްސީގެ ނަތީޖާ ދޫކުރަން ފަށައިފިއެވެ.
އެޑިއުކޭޝަން މިނިސްޓްރީން ވިދާޅުވީ މިއަދު ހެނދުނު 10:00ގައި އޯ ލެވެލް އިމްތިޙާންތަމުގެ ނަތީޖާ ލިބޭނެ ކަމަށެވެ. އަދި އެސް.އެސް.ސީގެ ނަތީޖާ މިއަދު 13:00ގައި އިމްތިޙާނު ސެންޓަރުތަކަށް ލިބޭނެ ކަމަށް ވެސް އެ މިނިސްޓްރީން ހާމަކުރެއެވެ.
އެޑިއުކޭޝަނުން ވިދާޅުވީ، ސެންޓަރުތަކަށް ނަތީޖާ ލިބުމާ އެކު ނަތީޖާ ދޫކުރުމުގެ ކަންކަން ސެންޓަރުތަކުން އިންތިޒާމުކުރާ ގޮތެއްގެ މަތީން ކުރިޔަށްދާނެ ކަމަށެވެ.
މިއަހަރުގެ އޯލެވެލް އަދި އެޗްއެސްސީ އިމްތިޙާނުގައި މާލޭގެ ސްކޫލްތަކުން 2196 ދަރިވަރުންނާއި އަތޮޅުތަކުން 3759 ދަރިވަރުން ބައިވެރިވިއެވެ. އެއީ ޖުމްލަ 5955 ދަރިވަރެކެވެ. އޯލެވެލް އިމްތިހާނު ކުރިޔަށް ގެންދިޔައީ މާލޭގެ 22 ސެންޓަރަކާއި އަތޮޅުތަކުގެ 213 ސެންޓަރެއްގައެވެ.
