ވިހެއުމަށް ފަހު ދަރިފުޅާ އެކު ލަމްގެ ފުރަތަމަ ފެނިލުން
ރާއްޖޭގެ މަޝްހޫރު ލަވަކިޔުންތެރިޔާ އަދި އެކްޓަރ ލަމްހާ ލަތީފު (ލަމް)އަށް އަލަތު ދަރިއަކު ލިބުނު ޚަބަރު ވެގެން ގޮސްފައި ވަނީ އޭނާގެ ފޭނުންނަށް ވެސް ލިބުން ވަރަށް ބޮޑު އުފަލަކަށެވެ.
އެންމެންނާ ވެސް އެކުވެރި މިޒާޖެއް ގެންގުޅޭ ލަމްއަކީ، މީސް މީޑިއާގައި ވެސް އެކްޓިވް ފަންނާނަކަށް ވާތީ އޭނާ ބަލިވެ އިންކަން ވެސް އެކި މަންސަތަކުން އާންމުންނަށް ވަނީ އެނގިފައެވެ. އަދި އެކަން ހާމަ ކުރި ދުވަހުން ފެށިގެން އަލަތު ދަރިފުޅު ލިބުމާ ހަމައަށް ވެސް އެތައް ބަޔަކު ވަނީ ލަމްއާއި އޭނާގެ ފިރިމީހާ އަހުމަދު މުއާޒް (ކުޑަ މުއާ)އަށް ތަހުނިޔާއާއި ހެޔޮ އެދުންތައް ފޮނުވައިފައެވެ.
ކައިވެންޏަށް ހަތަރު އަހަރު ފަހުން އަލަތު ދަރިފުޅު އުފަންވީ އުފާވެރި ޚަބަރު ލަމްއާއި ކުޑަ މުއާ ހިއްސާ ކުރީ މިދިޔަ ހަފްތާގައެވެ. އަދި ތުއްތު ދަރިފުޅު އުރާލައިގެން ލަމް ހޮސްޕިޓަލުގެ އެނދެއްގައި އިން ފޮޓޯއެއް ވެސް އިންސްޓަގްރާމް ސްޓޯރީގައި ހިއްސާ ކޮށްފައިވެއެވެ.
ލަމްއާއި ކުޑަ މުއާއަށް ލިބިފައި ވަނީ ފިރިހެން ކުއްޖެކެވެ. އެ ކުއްޖާއަށް ކިޔައިފައި ވަނީ މުލައިލް އަހުމަދު މުއާޒްއެވެ.
