ރައީސް ޞާލިޙް ކުޅުދުއްފުއްޓަށް ވަޑައިގަތުމުން އެ ރަށުގައި އިދިކޮޅުން އަޑު އުފުލައިފި
(ހދ.ކުޅުދުއްފުށިން) ރައީސް އިބްރާހީމް މުޙައްމަދު ޞާލިޙް މިއަދު ހދ.ކުޅުދުއްފުއްޓަށް ވަޑައިގަތުމުން އެރަށުގައި އިދިކޮޅު ފަރާތްތަކުން އަޑު އުފުލައިފިއެވެ.
މިއަދު ހަވީރު އެރަށުގެ ޓާފް ދަނޑު ހުޅުވައިދެއްވުމަށް ބޭއްވި ރަސްމިއްޔާތުގައި ރައީސް ޞާލިޙް ވަނީ ބައިވެރިވެ ވަޑައިގެންފައެވެ. އެ ވަގުތު އިދިކޮޅަށް ތާއީދު ކުރާ ބައެއް ފަރާތްތަކުން ބެނާތަކާއި އަޑު ގަދަ ކުރާ ބޭނުންކޮށް ޝުއޫރު ފާޅުކޮށްފައިވެއެވެ.
މި އިޙްތިޖާޖް ފެށުމަށް ތައްޔާރުވަމުން ދަނިކޮށް ފުލުހުން ވަނީ އެކަމަށް ހުރަސް އަޅާ، ގެންގުޅުނު ބެނާތައް ފުލުހުންގެ ބެލުމުގެ ދަށަށް ގެންގޮސްފައެވެ.
އިދިކޮޅު ފަރާތްތަކުން ގޮވަމުން ދިޔައީ އިދިކޮޅު ލީޑަރު ރައީސް ޔާމީން މިނިވަންކޮށްދިނުމަށާއި އިންޑިއާގެ މިލިޓަރީއިން ރާއްޖޭގައި ތިބުން ނިމުމަކަށް ގެނައުމަށެވެ. އަދި ރައީސް ޞާލިޙްގެ އިސްތިއުފާއަށް ވެސް ގޮވައިފައިވެއެވެ.
ފުލުހުންވަނީ ބައެއް ބެނާތައް ނަގާފައި
ރައީސް ޞާލިޙް ކުޅުދުއްފުއްޓަށް ވަޑައިގަތީ، މިއަހަރުގެ ޒުވާނުންގެ ދުވަހުގެ ހަރަކާތްތަކުގައި ބައިވެރިވެ ވަޑައިގަތުމަށެވެ.
ކުޅުދުއްފުށީ ޓާފް ދަނޑު ހުޅުވުމުގެ ކުރިން މިއަދު ހަވީރު ކުޅުނު އެކުވެރި ކަމުގެ މެޗުގައި ބައްދަލު ކުރާނީ ރާއްޖޭގެ ޤައުމީ ޓީމު އަދި ޓީމް ކުޅުދުއްފުށިން ހޮވާލެވޭ ޓީމެކެވެ.
މީގެ އިތުރުން ޒުވާނުންގެ ދުވަސް ފާހަގަކުރުމުގެ ގޮތުން މިރޭ ކުޅުދުއްފުށީ ސިޓީގައި ބާއްވާ ރަސްމީ ޖަލްސާ ރައީސުލްޖުމްހޫރިއްޔާ ޝަރަފުވެރިކޮށްދެއްވާނެއެވެ.
ރައީސުލްޖުމްހޫރިއްޔާ ކުޅުދުއްފުށި ސިޓީއަށް ކުރައްވާ މި ދަތުރުފުޅުގައި އެމަނިކުފާނުގެ އަރިހުގައި ކެބިނެޓް މިނިސްޓަރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެވަޑައިގަންނަވައެވެ.
ތިޔަކީީ އަދިި ވެރިކަންކުރުމެއްނޫންް ތީޚުދުމުހުތާރުވުމާއިި އަނިވެރިވުންނޫންތޯޯ ކޮބައިތޯޯ ރާއްޖެވިއްކާލާވާހަކަަ އިންތިހާޔަށްް ދެކެވޭއިރުު ނިކަމެތިި ދިވެހިންގެެ ޙައްޤުު އެއްގޮތަކަށްވެސްް ތިޔާހެންް ނުހަދާާ އަމިއްލައަށްް ޤައުމުގެެ ދިފާއުގައިި ކަމެއްކޮށްނުދެވޭތާާ ޤައުމުގެެ ޙައްޤުގާބަހެއްް ބުނެލަންކެރޭކުދިންގެެ ހިތްތަކަށްް ވިހަނުލާާ ތީީ ވަރަށްް ދެރަަ ނިކަނެތިކަމެއްް އެއްމެންވެގެންވެސްް ޤައުމަށްލިބޭނިކަމެތިކަމަކުންް ސަލާމަތްކުރަންޖެހޭނެެ އަހަރަމެންނަށްް މުހިއްމީީ ވެރިކަންކުރާމީހުންނެެއްނޫންް މިޤައުމުު މީއަހަރަމެންގެވެސްް ޤައުމުު އެންމެފުރަތަމަަ ޤައުމުު
ކޮބާ…
ދުނިޔެއިން ބޭރުގަބުރުޖެހީމަ ހުރިހާ ވެރިކަމެއް އެއްފަހަރާ ވީތާ
މުޅި ގައުމު ހަލާކު.