ދަންޖެހުނުކަމަށް ބުނާ ބިދޭސީ ނަރުސް މީހާގެ ފިރިމީހާ ހައްޔަރު ކޮށްފި
އައިޖީއެމްއެޗުގައި މަސައްކަތް ކުރާ ފިލިޕިންސް ނަރުހަކު ދަންޖެހިގެން މަރުވި ކަމަށް ބުނާ މައްސަލައިގައި އޭނާގެ ފިރިމީހާ ހައްޔަރުކޮށްފިއެވެ.
ފުލުހުން ވިދާޅުވެފައި ވަނީ، މި މަހުގެ 19 ވަނަ ދުވަހު ހުށަހަޅައިފައިވާ މި މައްސަލައާ ގުޅިގެން އުމުރުން 29 އަހަރުގެ މީހަކު މިއަދު ހައްޔަރު ކޮށްފައިވާ ކަމަށެވެ. އެ ގޮތުން ހައްޔަރު ކޮށްފައި ވަނީ ފިލިޕީންސް ފިރިހެނެއް ކަމަށް ފުލުހުން މައުލޫމާތު ދެއެވެ.
ފުލުހުން ވިދާޅުވީ، ޕޯސްޓުމޯޓަމް ހެދުމަށް އަންހެން މީހާގެ ހަށިގަޑު ރާއްޖެއިން ބޭރަށް ފޮނުވުމަށް ކުރަން ޖެހޭ މަސައްކަތް ކުރަމުން ދާކަމަށާއި މައްސަލަ މިހާރު ތަޙްޤީޤް ކުރަމުން އަންނަ ކަމަށެވެ.
Advertisement
މައްސަލައިގައި ހައްޔަރު ކުރި މަރުވި މީހާގެ ފިރިމީހާއަކީ ވެސް ނަރުހެކެވެ. އެ ދެ މީހުންނަކީ ފަސް އަހަރުގެ ދަރިފުޅާ އެކު ރާއްޖޭގައި ދިރިއުޅެމުން އައި ދެމީހުންނެވެ.
ކޮމެންޓް