ސަތޭކަ ހާފިޒުން އުފެއްދުމުގެ ޕްރޮގްރާމެއް އިލްމުން ފަށަނީ
"ކީރިތި ޤުރުއާން ހިތު ދަސް 100 ޙާފިޒުންގެ އުފެއްދުމުގެ މަޝްރޫޢު"ގެ ނަމުގައި ޒުވާން ހާފިޒުންތަކެއް އުފެއްދުމުގެ ޕްރޮގްރާމެއް ޢިލްމު އިންސްޓިޓިއުޓް ފޯރ އިސްލާމިކް ސްޓަޑީޒްއިން ފަށަން ނިންމައިފިއެވެ.
އެ އިންސްޓިޓިއުޓްއިން ވިދާޅުވީ، އެ ޕްރޮގްރާމަކީ ކީރިތި ޤުރުއާން ދެކެ ލޯބިވާ، ކީރިތި ޤުރުއާން ހިތުން ދަސް ޒުވާން ޖީލެއް ބިނާކުރުމުގެ މަޤުޞަދުގައި ފަށާ މަޝްރޫޢެއް ކަމަށެވެ.
މި ޕްރޮގްރާމްގެ ޕްރޮޖެކްޓްގެ ހެޑަކީ، މަޝްހޫރު ދީނީ ޢިލްމުވެރިޔާ، އަލްހާފިޒް ޑރ. މުޙައްމަދު ޝަހީމް ޢަލީ ސަޢީދެވެ.
މި ޕްރޮގްރާމާ ބެހޭ ގޮތުން މައުލޫމާތު ދެއްވަމުން، އިލްމް އިންސްޓިޓިއުޓްގެ އޮފިޝަލަކު ވިދާޅުވީ، މި މަޝްރޫއުގައި ތަޖުވީދުގެ ހަމަތަކުން ރީތި ރާގުތަކަށް ހުނަރުވެރިކަމާ އެކު ކިޔަވަން ދަސްކޮށްދޭނެ ކަމަށެވެ. އަދި މިޞްރު، ޖޯޑަން، ކުވައިތު، ސަޢުދީ ޢަރަބިއްޔާ، މެލޭޝިޔާ، އިންޑިއާ، ޕާކިސްތާން، އިންޑޮނޭޝިޔާ، މޮރޮކޯ ފަދަ ޤައުމުތަކުގެ ތަޖުރިބާކާރު އުސްތާޛުން އެކި މަރުޙަލާތަކުގައި މި މަޝްރޫޢުގެ ދަރިވަރުންނާ ބައްދަލުކޮށް ރާއްޖެއާއި ރާއްޖެއިން ބޭރުގެ ތަޖުރިބާކާރު ޙާފިޒުންނާއި މޮޅު ޤާރީންގެ ހުނަރުވެރިކަން ޙިއްސާކުރެވޭނެ ކަމަށް އޮފިޝަލު ވިދާޅުވިއެވެ.
ހާފިޒް ޕްރޮގްރާމުގައި ދެ ޖިންސުގެ ހުރިހާ ޒުވާނުންނަށް ވެސް ބައިވެރި ވެވޭނެއެވެ. ނަމަވެސް ކުލާސްތައް ކުރިއަށްދާނީ ވަކިންނެވެ. މި މަޝްރޫޢުގެ ފުރަތަމަ މަރުޙަލާ ކުރިއަށް ދާނީ ހަފްތާ ބަންދުތަކުގައެވެ.
ވަރައްރަގަޅުކަމެއް
ކުދިންބައިވެރިކިރުމައް ހަދަންވީ ކިހިނެއް؟؟