ކޮއްކޮމެން ޕްރީ ސްކޫލްގެ ޕްރިންސިޕަލަކަށް ސޯބިރާ އަޙްމަދު!
ޑރ.މުޙައްމަދު ޝަހީމް ޢަލީ ސަޢީދުގެ ޕްރީ ސްކޫލް ، ކޮއްކޮމެން ޕްރީ ސްކޫލްގެ ޕްރިންސިޕަލަކަށް ސޯބިރާ އަޙްމަދު އައްޔަންކޮށްފިއެވެ.
ސޯބިރާ އަޙްމަދަކީ 28 އަހަރު އާލީ ޗައިލްޑްހުޑް އެޑިއުކޭޝަނާއި ކޮމިއުނިޓީ ޗައިލްޑްހުޑް އެޑިއުކޭޝަނާއި، ކޮމިއުނިޓީ ޑިވެލޮޕްމެންޓްގެ އިތުރުން ސޯޝަލް ޕޮލިސީ އެންޑް ލީޑާޝިޕް ޑިވެލޮޕްމެންޓްއާއި އެޑިއުކޭޝަނަލް މެނޭޖްމަންޓްގެ ދާއިރާއިން މަތީ ފެންވަރުގެ ތައުލީމީ ތަޖުރިބާކާރެކެވެ.
1993 ވަނަ އަހަރު ނާސަރީ ސްކޫލް ޓީޗަރެއްގެ ގޮތުގައި ތަޢުލީމީ ދާއިރާއަށް ނިކުތް ސޯބިރާ އަޙްމަދަކީ ލީޑިންގ ޓީޗަރެކެވެ. އޭގެ އިތުރުން އެކެޑެމިކް މެނޭޖަރުކަންކޮށް ޑެޕިއުޓީ ޕްރިންސިޕަލްއެއްގެ މަގާމުގައި ޞާބިރާ މަސައްކަތް ކުރައްވައިފައި ވެއެވެ. މީގެ އިތުރުން ޕްރައިވެޓް އަދި ޕަބްލިކް އެޑިއުކޭޝަނަލް އިންސްޓިޓިއުޓްތަކުގައި ލެކްޗަރާއެއްގެ ގޮތުގައި ވެސް އޭނާ ދަނީ މަސައްކަތްކުރަމުންނެވެ.
އޭނާ ވަނީ އާލީ ޗައިލްޑްހުޑް އެޑިއުކޭޝަން އެންޑް މާސްޓާސް ޑިގްރީއިން އެޑިއުކޭޝަނަލް ލީޑާޝިޕް އެންޑް މެނޭޖްމަންޓްއިން ބެޗެލާސް ޑިގްރީ ވެސް ހައްދަވައިފައެވެ.
