ކޮޕީ މުޙައްމަދު ރަޝީދުގެ ތަޢުޒިޔާގެ ދަފުތަރުގައި ނައިބު ރައީސް ސޮއި ކުރައްވައިފި

މި ދަފްތަރުގައި ލިޔުއްވައި ސޮއިކުރެއްވުން ނޮވެންބަރު 30ވާ އަންގާރަދުވަހުގެ ނިޔަލަށް އެ އެކަޑަމީގައި ކުރިއަށް ގެންދަން ހަމަޖެހިފައިވެއެވެ. އެ ދަފްތަރުގައި ލިޔުއްވުމާ ސޮއިކުރެއްވުން ކުރިއަށްދާނީ ބަންދު ނޫން ދުވަސްތަކުގައި ހެނދުނު 9:00އިން މެންދުރު 13:30އަށް ދިވެހިބަހުގެ އެކެޑަމީގައެވެ. މި ދަފްތަރުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވެސް ވަނީ ސޮއިކުރައްވައިފައެވެ. ކޮޕީ މުޙައްމަދު ރަޝީދު އަވަހާރަވީ މި މަހުގެ 11 ވަނަ ދުވަހުއެވެ. ޢަރަބި ތާނަ ލިޔުމާއި، ޅެން ހެދުމުގެ ރޮނގުން ދިވެހި އަދަބިއްޔާތަށް ގިނަގުނަ ޚިދުމަތްތަކެއް ކުރައްވައިފައިވާ ކޮޕީ މުޙައްމަދު ރަޝީދަށް 3 ފަހަރެއްގެ މަތިން ސަރުކާރުން ދެއްވާ ޢާންމު ޚިދުމަތުގެ އިނާމު ވެސް ލިބިވަޑައިގެންފައި ވެއެވެ.