ނިޝާން ޢިއްޒުއްދީންގެ ޢިއްޒަތުގެ ވެރިޔާ އުމަރު ޒާހިރު އަވަހާރަވެއްޖެ
ދައުލަތަށް ގިނަ ދުވަހު ޚިދުމަތް ކުރެއްވި ނިޝާން އިއްޒުއްދީން އިއްޒަތުގެވެރިޔާ އޮނަރަބަލް އުމަރު ޒާހިރު އަވަހާރަވެއްޖެއެވެ.
އެމަނިކުފާނު އަވަހާރަވީ ކޮވިޑަށް ފައްސިވެ، ހާލު ސީރިއަސްވެ ދަރުވަމަންތަ ހޮސްޕިޓަލުގައި ފަރުވާ ހޯއްދަވަމުން ދަނިކޮށެވެ. އެމަނިކުފާނު ކޮވިޑަށް ފައްސިވީ މީގެ ދިހަ ވަރަކަށް ދުވަސް ކުރިންނެވެ.
އުމަރު ޒާހިރުގެ މިހާރު އުމުރުފުޅަކީ 85 އަހަރެވެ. އޭނާއަށް ނިޝާން އިއްޒުއްދީންގެ އިއްޒަތްތެރި ވެރިކަމުގެ ލަގަބު ލިބިވަޑައިގެންނެވީ 2008ވަނަ އަހަރުގައެވެ. އެމަނިކުފާނު ވަނީ ރައީސް މައުމޫންގެ ވެރިކަމުގައި ގިނަ ވުޒާރާތަކުގެ ވަޒީރުކަން ކުރައްވައިފައެވެ. އޭގެ ތެރޭގައި، ، ޕަބްލިކް ވަރކްސްގެ ވަޒީރުކަމާއި ދާޚިލީ ވަޒީރުކަމާއި ކުޅިވަރާ ބެހޭ ވަޒީރުކަން ހިމެނެއެވެ.
މާތް ﷲ އުމަރު ޒާހިރުގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُو
