އުމަރު ޒާހިރުގެ ތައުޒިޔާގެ ދަފްތަރު މާދަމާ ހުޅުވަނީ
ނިޝާން އިއްޒުއްދީނުގެ އިއްޒަތުގެ ވެރިޔާ އުމަރު ޒާހިރުގެ ހަނދާނުގައި ތައުޒިޔާގެ ދަފްތަރެއް ހުޅުވަން ހޯމް މިނިސްޓްރީން ނިންމައިފިއެވެ.
އެ މިނިސްޓްރީން މިއަދު ބުނީ އުމަރު ޒާހިރުގެ ހަނދާނުގައި ހުޅުވައި އެ ތައުޒިޔާގެ ދަފްތަރު ހުޅުވައިފައި ހުންނާނީ ނޭޝަނަލް އާޓްސް ގެލެރީގައި ކަމަށެވެ.
މި ދަފްތަރުގައި ސޮއި ކުރުމުގެ ފުރުސަތު ހުޅުވިފައި ވަނީ މާދަމާއިން ދުވަހުން ފެށިގެން ބުދަ ދުވަހުގެ ނިޔަލަށެވެ.
ހޯމަ ދުވަހު ހަވީރު 3:00އިން 5:00އަށް، އަންގާރަ ދުވަހު ހެނދުނު 09:00އިން މެންދުރު 12:00އަށް އަދި މެންދުރު 1:00އަށް ހަވީރު 5:00އަށް އެ ދަފްތަރުގައި ސޮއި ކުރުމުގެ ފުރުސަތު އޮންނާނެއެވެ. އަދި ބުދަ ދުވަހު ހެނދުނު 09:00އިން މެންދުރު 12:00އަށް އަދި މެންދުރު 1:00އަށް ހަވީރު 5:00އަށް ވެސް ދަފްތަރުގައި ސޮއި ކުރެވޭނެއެވެ.
ކޮވިޑަށް ފައްސިވެ، އެ ބައްޔަށް ފަރުވާ ހޯއްދަވަމުން ގެންދަވަނިކޮށް އުމަރު ޒާހިރު އަވަހާރަވީ މި މަހުގެ 20ވަނަ ދުވަހު ދަރުމަވަންތަ ހޮސްޕިޓަލުގައެވެ.
