މަސްތުގެ ހާލުގައި އޮތް މީހަކު މާލޭގެ މިސްކިތަކަށް ހޮޑުލައިފި

މަސްތުގެ ހާލުގައި އޮތް ޒުވާން ފިރިހެނަކު މާލޭގެ މިސްކިތަކަށް ހޮޑުލައިފިއެވެ.

Ads by Hajj Corporation

އެނގިފައިވާ ގޮތުގައި މަސްތުގެހާލުގައި އޮތް އެމީހާ އަމަލުވެގެން އޮތީ ބަރްބަރީ މިސްކިތުގައެވެ.

އެ މިސްކިތަށް ރޭ ފަތިސްނަމާދަށް ދިޔަ ބަޔަކާ ހަވާލާދީ ބައެއް މީޑިއާތަކުން ރިޕޯޓުކޮށްފައި ވަނީ އެ ޒުވާނާ ނިދިފައި އޮތީމައި ނަމާދުކުރަން ގޮވުމުން ތެދުވި ތަނާ އެ ޒުވާނާ މިސްކިތަށް ހޮޑުލި ކަމަށެވެ.

މި މައްސަލައާ ގުޅިގެން ފުލުހުންގެ ބަހެއް އަދި ލިބިފައެއް ނުވެއެވެ.

މިސްކިތްތަކުގެ ހުރުމަތް ކެނޑުމުގެ މައްސަލަތައް މިފަހަކަށް އައިސް ވަރަށް ގިނައިން އަންނަނީ ފެންމަތިވަމުންނެވެ. އެ ގޮތުން މިސްކިތަށް ބޮޑުކަމު ދިއުމާއި، ކުޑަކަމުދިއުމާއި، ޚަތިމަށް ކުޅުޖަހައި ހެދި މައްސަލަތަކެއް ވެސް ވަނީ ފެންމަތިވެފައެވެ.