Sunday, 15 November 2026
Advertisement
HDC — Share-Below (leaderboard)
ޚަބަރު

ނަރުހުގެ މަރު: ފިރިމީހާއާއި ލޯބިވެރިޔާއަށް ދައުވާކުރުމަށް ޕީޖީއަށް ފޮނުވައިފި

ނަރުހުގެ މަރު: ފިރިމީހާއާއި ލޯބިވެރިޔާއަށް ދައުވާކުރުމަށް ޕީޖީއަށް ފޮނުވައިފި

އައިޖީއެމްއެޗުގައި މަސައްކަތް ކުރި ފިލިޕީންސްގެ ނަރުސް މޭރީ މަރައިލި ކަމުގެ ތުހުމަތުގައި ހައްޔަރުކޮށްފައިވާ އޭނާގެ ފިރިމީހާއާއި އޭނާ ލޯބީގެ ގުޅުން އޮތް ދިވެހި އަންހެން ނަރުސް މީހާގެ މައްޗަށް ދައުވާ ކުރުމަށް ޕްރޮސެކިއުޓާ ޖެނެރަލް އޮފީހަށް ފޮނުވައިފިއެވެ.

މިމައްސަލާގައި ޕީޖީ އޮފީހުން އަންނަ މަހުގެ 4 ވަނަ ދުވަހުގެ ކުރިން ގޮތެއް ނިންމާނެއެވެ. މި މައްސަލައާއި ގުޅިގެން ދިވެހި އަންހެން ނަރުސް މީހާ ހައްޔަރު ކޮށްފައި ވަނީ މި މަހުގެ 16 ވަނަ ދުވަހުއެވެ.

މިދިޔަ މަހުގެ 19ވަނަ ދުވަހު ޑިއުޓީގައި ހުރެފައި ބްރޭކަށް ގެއަށް ދިޔަތާ އިރުކޮޅެއް ފަހުން، މޭރީ ދަންޖެހުނީ ކަމަށް ބުނެ އޭނާގެ ހަށިގަނޑު ހޮސްޕިޓަލަށް ގެންދިޔައީ އޭނާގެ ފިރިމީހާއެވެ. މި މައްސަލައާ ގުޅިގެން އޭނާގެ ފިރިމީހާގެ މައްޗަށް މަރުގެ ތުހުމަތު ކުރެވި އޭނާ މިހާރު ހުރީ ހައްޔަރު ކޮށްފައެވެ.

Advertisement
Allied Insurance — Square (box)

މޭރީގެ މަރާ މެދު ފުރަތަމަ ބުނަމުން ދިޔައީ އޭނާ މަރުވީ އަމިއްލައަށް ކަމަށެވެ. ނަމަވެސް އޭނާގެ މަރުގައި ޝައްކު ކުރެވޭ ކަންތައްތަކެއް ފާހަގަ ވާތީ އޭނާގެ ހަށިގަނޑުގެ ޕޯސްޓްމޯޓަމެއް ވަނީ ހަދައިފައެވެ.

އައިޖީއެމްއެޗްގައި ހީމޯ ޑަޔަލެސިސް ނަރުހެއްގެ ގޮތުގައި މަސައްކަތް ކުރި މޭރީގެ ހަށިގަނޑުގެ ޕޯސްޓުމޯޓެމް ހެދީ އިންޑިއާއިންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.