Tuesday, 17 November 2026
Advertisement
MWSC — SmartMeter (leaderboard)
ޚަބަރު

ހޯމް ސްޓޭއާ ދެކޮޅަށް ސަލަފުން ނިކުމެއްޖެ

ހޯމް ސްޓޭއާ ދެކޮޅަށް ސަލަފުން ނިކުމެއްޖެ

އާއްމުން ދިރިއުޅޭ ގޭގޭގެ ވަކި ކޮޓަރިތަކެއް ޓޫރިސްޓުންނަށް ތިބެވޭ ގޮތަށް ރާއްޖޭގައި ތައާރަފްކޮށްފައިވާ، ހޯމް ސްޓޭ ޓޫރިޒަމްއާ ދެކޮޅަށް، އިލްމުވެރިންގެ ޖަމްއިއްޔާ ، ޖަމްއިއްޔަތުއްސަލަފުން ނިކުމެއްޖެއެވެ.

ހޯމް ސްޓޭ ފެށުމަށް އެންމެ ފުރަތަމަ ރަޖިސްޓްރީކޮށްފައި ވަނީ މ. ދިއްގަރުގައެވެ. މިއަދު ހޯމް ސްޓޭ ކޮންސެޕްޓް އެ ރަށުގައި ވަނީ ފަށައިފައެވެ.

މިއަދު ސަލަފުން ނެރުނު ބަޔާނެއްގައި، ހޯމްސްޓޭ ތަޢާރަފްކުރުން ހުއްޓައިލާން ސަރުކާރަށް ވަނީ ގޮވައިލައިފައެވެ. އެ ބަޔާނުގައި ސަލަފުން ވަނީ، ހޯމް ސްޓޭގެ ބަދަލުގައި ދަނޑުވެރިކަމާއި މަސްވެރިކަމާއި ކުދިފަންތީގެ އެހެނިހެން ވިޔަފާރިތައް ފުޅާކޮށްދިނުމަށް ސަރުކާރުން އިސްނެގުމަށް އިލްތިމާސްކޮށްފައެވެ.

Advertisement
Allied Insurance — Square (box)

މީގެ އިތުރުން ގެސްޓުހައުސްގެ ގޮތުގައި ފަރުތުވެރިންނަށް ޚިދުމަތް ދިނުމަށް ވަކިވަކި ތަންތައް ހަދައި ހިންގަމުންދިޔުމުގެ ސަބަބުން ރަށްރަށުގައި މުންކަރާތްތައް ޢާންމުވަމުންދާ ކަމަށް ސަލަފުން ވިދާޅުވިއެވެ. އަދި މީހުން ދިރިއުޅޭ ގޭގޭ ތެރޭގައި މިކަން ތަޢާރަފު ކުރުމަކީ އޭގެ ސަބަބުން އެ މިޤައުމުގެ އިސްލާމީ ޘަޤާފަތް ގެއްލިގެން ދާނެކަމެއް ކަމަށް ސަލަފުން ވިދާޅުވިއެވެ.

"ފައިސާގެ ދަހިވެތިކަމުގައި، އެމީހެއްގެ ލޯބިވާ އަނބިމީހާ ނުވަތަ ފިރިމީހާ ނުވަތަ ލޯބިވާ އަންހެން ނުވަތަ ފިރިހެން ދަރިފުޅާ އެކު، އެއްވެސް ހުރަސްވެރިކަމެއް ނެތި، އެއް ސިޓިން ރޫމުގައި، އެއް އުނދޯލީގައި އެއްތަށިމަތީގައި، ހީސަމާސާކޮށް ހަނގާކުރެވޭ ބައެއްގެ ގޮތުގައި، އަޅުގަނޑުމެންގެ ދީނާއި، އަޚުލާޤާއި ޘަޤާފަތާ ބީރައްޓެހި،  ބޭރުކަރަކަރައާއި ވިލާތުގެ މީސްމީހުންގެ އަތްމައްޗަށް ދޫކޮށްލުމީ ހަމަކަށަވަރުން ވެސް އަޅުގަނޑުމެން ދައްޔޫސުންގެ ގޮތުގައި ހިމެނިގެންދާނެ ކަމެއްކަން ކަށަވަރު" ސަލަފުގެ ބަޔާނުގައި ވިދާޅުވިއެވެ.

ސަލަފުގެ ބަޔާން ނިންމައިލައިފައި ވަނީ، ލިބޭ މާލީ މަންފާއަށް ޓަކައި ދަރިންގެ މުސްތަޤްބަލު ނުރައްކަލުގެ ތެރެއަށް ވައްޓައިނުލާން ދިވެހިންނަށް ގޮވައިލަމުންނެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.