ކާޑެއްދޫ އެއަރޕޯޓު ޖެޓީގެ ތޮށިގަނޑު ވެއްޓިއްޖެ
ގދ. ކާޑެއްދޫގައި ހިންގާ ހުވަދުއަތޮޅުގެ މައި އެއަރޕޯޓުގެ ޖެޓީ ތޮށިގަނޑުގެ ބޮޑުބައެއް ވެއްޓިއްޖެއެވެ.
“ދެން”އަށް މަޢުލޫމާތު ލިބިފައިވާ ގޮތުގައި ތޮށިގަނޑުގެ ބޮޑުބައި ވެއްޓުނު ވަގުތު އެއްވެސް އުޅަނދެއް ބަނދަރު ކޮށްފައެއް ނުވެއެވެ. އަދި މިކަން ހައްލުކުރުމަށް މިހާރު ދަނީ މަސައްކަތް ކުރެވެމުންނެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ. ތޮށިގަނޑު ވެއްޓިފައި ވަނީ މިއަދު ހެނދުނުގެ ވަގުތެއްގައެވެ.
ކާޑެއްދޫ އެއަރޕޯޓަކީ ދުވާލަކު މަދުވެގެން 6 ފްލައިޓް ޖައްސާ އެއަރޕޯޓެކެވެ. އެއާޕޯޓުގެ ޖެޓީގެ ތޮށިގަނޑު އަރި އަޅައިލައިފައި އޮންނަތާ ގިނަ ދުވަސްވީ ނަމަވެސް އެކަމަށް ހައްލެއް ލިބިފައި ނުވާ ކަމަށް ހުވަދު އަތޮޅުގެ ގިނަ ރައްޔިތުން ދަނީ ބުނަމުންނެވެ. ވަރަށް ފަހުން އެއަރޕޯޓު ޖެޓީގެ ފަސްގަނޑު ދަމައިގެން ގޮސް ޖެޓީ ވަނީ ވަރަށް ބޮޑަށް އަރިއަޅައިލައިފައެވެ.
