ކޮމަންޑޫ ބައި-އިލެކްޝަން: ހަމަނުޖެހުން ބޮޑުވެ ތިން މީހަކު ފުލުހުންގެ ހައްޔަރަށް
ށ. ކޮމަންޑޫ ދާއިރާގެ ވޯޓުލުން ކުރިއަށް ދިޔަ އިސްކަންދަރު ސްކޫލު ކައިރީގައި ހިނގި ހަމަނުޖެހުމެއްގެ ތެރެއިން ތިން މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ކޮމަންޑޫ ދާއިރާގެ އިންތިޚާބުގެ ވޯޓްލުން މިހާރު ވަނީ ނިންމައިލައިފައެވެ. މިއަދު ކުރިއަށް ދިޔަ އިލެކްޝަންގައި އިންތިޚާބަށް ނުފޫޒު ފޯރުވައި، އެމްޑީޕީއަށް ވޯޓު ހޯދުމަށް ފައިސާ ބަހަމުންދާކަމަށް ބުނެ އިދިކޮޅުން ވަނީ އެ މައްސަލަ އިލެކްޝަން ކޮމިޝަނަށް ހުށަހަޅައިފައެވެ.
މިކަމާ ގުޅިގެން އާއްމުން ވަނީ ވަރަށް ބޮޑަށް ނުރުހުން ފާޅުކޮށްފައެވެ. އިލެކްޝަން ކޮމިޝަންގެ ރައީސް ފުއާދު ތައުފީޤް ވިދާޅުވީ އިއްޔެ ،ތިން މައްސަލައެއް މިއަދު ދެ މައްސަލައެއް ހުށަހަޅައިފައިވާ ކަމަށެވެ.
އިސްކަންދަރު ސްކޫލުގައި ވޯޓުލުން ކުރިއަށް ގެންދިޔަ ވަގުތު އެމްޑީޕީގެ ސަޕޯޓަރުންނާއި ޕީޕީއެމްގެ ސަޕޯޓަރުންގެ މެދުގައި ހިނގި ހަމަނުޖެހުމެއްގައި ތިން މީހަކު ހައްޔަރުކޮށްފައިވާ ކަމަށް މަޢުލޫމާތު ލިބެއެވެ.
މިވަގުތު އެސްއޯ ފުލުހުން އަންނަނީ އެ ސަރަހައްދުގައި ހަރަކާތްތެރިވަމުންނެވެ.
Ads by STO
