އޮޑިޓް ކުރުމުގެ ހުއްދަނެތި ޒަރިޔަންދު އޮޑިޓް ރިޕޯޓް ހެދި މައްސަލައެއް ފެންމަތިވެއްޖެ
އޮޑިޓް ކުރުމުގެ ހުއްދަނެތި ޓެންޑަ ބޯޑުގެ ކުރީގެ ޗެއާމަން އިސްމާއިލް ޒަރިޔަންދު އޮޑިޓް ރިޕޯޓް ހެދި މައްސަލައެއް ފެންމަތިވެއްޖެއެވެ.
8 ސެޕްޓެންބަރު 2020 ގައި ރައީސް ތަސްދީޤް ކުރެއްވި ދިވެހިރާއްޖޭގެ ޗާޓަރޑް އެކައުންޓެންޓުންގެ ޤާނޫނުގެ ދަށުން ހުއްދަ ނެތް ފަރާތްތަކުން އޮޑިޓް ރިޕޯޓް ހެދުމަކީ ޤާނޫނުން މަނާ ކޮށްފައިވާ ކަމެކެވެ.
ޗާޓަރޑް އެކައުންޓެންޓެއްގެ ގޮތުގައި، ޒަރިޔަންދު ރެޖިސްޓްރީ ވެފައިވާ ކަމަކަށް، އިންސްޓިޓިއުޓް އޮފް ޗާޓަރޑް އެކައުންޓެންޓްސްގެ ވެބްސައިޓަކުން ނުދައްކައެވެ.
މިކަން އާންމުންގެ ސަމާލުކަމަށް ގެނެސްފައި ވަނީ، ޤާނޫނީ ވަކީލް ޝިހާދު އިބްރާހީމެވެ. އޭނާ ކުރެއްވި ޓްވީޓެއްގައި ވިދާޅުވީ، މާލީ އިދާރާއަކާއި ދެކޮޅަށް ކޮށްފައިވާ ދައުވާއެއްގެ ޝަރީއަތުގެ މަޖިލީހެއްގައި ޒަރިޔަންދު ހަދައިފައިވާ އޮޑިޓް ރިޕޯޓެއް ފެނިފައިވާ ކަމަށެވެ. މިކަމުގެ އިތުރު ތަފްސީލު ހޯދައިލާން ވަކީލް ޝިހާދަށް ގުޅާލުމުން ވިދާޅުވީ ހުސޫމާތު އުފެދިފައިވާ ވާގިއާއެއް ސާބިތުކޮށްދިނުމަށް ޝަރީއަތަށް ހުށަހެޅޭ ޚަބީރުގެ ރިޕޯޓް ވާން ޖެހޭނީ އެކަމެއްގެ އިލްމާއި ފަންނު ހުރި މީހަކު ތައްޔާރާ ރިޕޯޓަކަށް، ޒަރިޔަންދަކީ އޮޑިޓިން ދާއިރާގެ އެއްވެސް ފަންތިއެއްގެ އިލްމީ ސަނަދެއްއޮތް ފަރާތެއް ނޫން ކަމަށެވެ. އެހެންކަމުން އޭނާގެ އޮޑިޓް ރިޕޯޓްތަކާއި ރިވިއުތައް ޚަބީރެއްގެ ރިޕޯޓެއްގެ ގޮތުގައި ޝަރީއަތަށް ބަލައިގަތުމަކީ ދުރުކަމެއް ކަމަށެވެ. މީގެ ސަބަބުން ހައްޤު ހޯދަންދާ މީހާއަށް ކޯޓުތަކުން ހައްޤު ނުލިބުމުގެ ފުރުސަތު އޮންނާނެއެވެ.
ޝިހާދު މިފައިން ފާހަގަ ކުރައްވައިފައި ވަނީ، ޒަރިޔަންދަށް ކުރެއްވި ޓްވީޓަކަށް ރިޕްލައި ދެއްވަމުންނެވެ. ޒަރިޔަންދު ވިދާޅުވީ، އޮޑިޓް ލައިސެންސް ބޭނުން ވަނީ، ޕްރައިވެޓް ސެކްޓާގެ އޮޑިޓްތަކަށް ކަމަށާއި ޕަބްލިކް ސެކްޓާގެ އޮޑިޓަރުންނަށް މިފަދަ ފާހެއް ބޭނުން ނުވާ ކަމަށެވެ. އަދި ޕްރައިވެޓް ކުންފުނިތަކުގެ އޯނަރުންނަށް މިކަން ފަހުމް ނުވާ ކަމަށް އޭނާ ވިދާޅުވިއެވެ. މިފަދައިން ޒަރިޔަންދު ވިދާޅުވި ނަމަވެސް ޕަބްލިކް ސެކްޓަރގެ އޮޑިޓަރުންނަކީ ވަކި ހާއްސަ ދާއިރާއަކުން ވަކި ފެންވަރަކަށް އިލްމު އުގެނިފައިވާ ބައެއްކަން ދައުލަތުގެ އެކިއެކި މުވައްސަސާތަކަށް އޮޑިޓަރުން ހޯދުމަށް ކުރާ އިއުލާންތަކުން އެނގެއެވެ.
މިކަމާ ގުޅިގެން ޓްވިޓަރގައި މީހަކު ސުވާލު ކުރުމުން ޒަރިޔަންދު ވިދާޅުވީ، އޭނާ ޕްރައިވެޓް އޮޑިޓް ރިޕޯޓްތައް ތައްޔާރު ނުކުރާ ކަމަށެވެ. އެހެން ނަމަވެސް އިންޑިޕެންޑެންޓް ފްރައުޑް ރިވިއު ކުރައްވާ ކަމަށް ވިދާޅުވިއެވެ. ޒަރިޔަންދު މިހެއްން ވިދާޅުވި ނަމަވެސް ދިވެހިރާއްޖޭގެ ޗާޓަރޑް އެކައުންޓެންޓުންގެ ޤާނޫނު ބުނާގޮތުން އެއްވެސް ބާވަތެއްގެ އޮޑިޓެއްވެސް ރިވިއުއެއް ވެސް އެ ޤާނޫނު ބުނާ ހުއްދަ ނެތް ފަރާތުން ކުރުމަކީ ކުށެކެވެ.
ޒަރިޔަންދަކީ ސަރުކާރުގެ އޮޑިޓިން ދާއިރާގައި ދިގު މުއްދަތެއްގައި ޚިދުމަތް ކުރެއްވި ބޭފުޅެކެވެ. މި ފަހުން ޒަރިޔަންދު ވަނީ އެންޓި އޮރަޕްޝަން ކޮމިޝަންގެ މެންބަރު ކަމަށް ކުރިމަތި ލައްވައިފައެވެ. ނަމަވެސް ރައީސުލްޖުމްހޫރިއްޔާ މަޖިލީހަށް ނަންތައް ފޮނުއްވި އިރު، އޭނާގެ ނަމެއް ނުފޮނުއްވައެވެ.
ފައިނޭންޝިއަލް އޯޑިޓް އާއި ޕާރފޯމަންސް އޯޑިޓް އެއީ މުޅިން ވަކި ދެ ކަމެއް. ޤާނޫނުގައި އެއީ ފައިނޭންޝިއަލް އޯޑިޓްގެ ވާހަކަ، ޕާރފޯމަންސް އޯޑިޓްގެ ވާހަކައެއް ނޫން.
ތިޔަ ސިހާދު ކ. ގުރައިދޫއިން ކިޔެވި އްއްޗެއް ކިޔެވީ