މާދަމާއަކީ ރަމަޟާން މަހުގެ ފުރަތަމަ ދުވަސް

މިއަހަރުގެ ރަމަޟާން މަހުގެ ފުރަތަމަ ދުވަހަކީ އޭޕްރީލް މަހުގެ 2ވަނަ ދުވަސް ކަމަށް އިސްލާމިކް މިނިސްޓްރީން ކަނޑައަޅައިފިއެވެ.

Ads by Hajj Corporation

ރަމަޟާން މަހުގެ ހަނދު ސާބިތުކުރުމަށް ބޭއްވި ޖަލްސާއަށް ފަހު ހަނދާ ގުޅޭ ގޮތުން ނެރުއްވި ޤަރާރު އިއްވަވަމުން އިސްލާމިކް މިނިސްޓަރު ޑރ. އަލީ ޒާހިރު ވިދާޅުވީ މިއަހަރުގެ ރަމަޟާން މަހުގެ ހަނދު ދިވެހިރާއްޖެއާ އިސްލާމީ ބައެއް ޤައުމުތަކަށް ފެނިފައި ވާތީ މާދަމާއަކީ މިއަހަރުގެ ރަމަޟާން މަހުގެ ފުރަތަމަ ދުވަސް ކަމަށެވެ.

މިއަހަރުގެ ރަމަޟާން މަހު ވެސް އިޙްޔާކުރުމުގެ ޕްރޮގްރާމާއި ދީނީ ޚާއްޞާ ޕްރޮގްރާމްތައް ހިންގަން އިސްލާމިކް މިނިސްޓްރީން ވަނީ ނިންމައިފައެވެ.

މިރޭ ހަނދު ބެލުމަށް ބޭއްވި ޖަލްސާގައި މިނިސްޓަރު ވަނީ ރޯދަ މަހު ނަމާދުކޮށް އަޅުކަންތަކުގައި މަޝްއޫލްވެ އުޅުމަށް ނަސޭހަތްތެރިވެފައެވެ.