Tuesday, 17 November 2026
Advertisement
Allied Insurance (leaderboard)
ޚަބަރު

ރައީސް ނަޝީދު ކުރައްވާ ތުހުމަތުން އެނގެނީ ރައީސް ޞާލިޙާއި ސަރުކާރަކީ އަނިޔާވެރި ބައެއްކަން: ޖަމީލް

ރައީސް ނަޝީދު ކުރައްވާ ތުހުމަތުން އެނގެނީ ރައީސް ޞާލިޙާއި ސަރުކާރަކީ އަނިޔާވެރި ބައެއްކަން: ޖަމީލް
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކުރައްވާ ތުހުމަތުން އެނގެނީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙާއި ސަރުކާރަކީ ހައްދުފަހަނައަޅައި ގޮސްފައިވާ އަނިޔާވެރި ބައެއްކަން ކަމަށް ކުރީގެ ނައިބު ރައީސް ޑރ. މުޙައްމަދު ޖަމީލް އަޙުމަދު ވިދާޅުވެއްޖެއެވެ. ޖަމީލް މިފަދައިން ވިދާޅުވީ ރައީސް ނަޝީދަށް އަމާޒުކޮށް ދިން ޓެރަރިސްޓް ހަމަލާ ފޮރުވަން ސަރުކާރަށް ވާގިވެރިވާ ކަމަށް ވިދާޅުވެ ސަރުކާރަށް ތާއީދު ކުރައްވާ މަޖިލީހުގެ މެމްބަރުންނަށް ރައީސް ނަޝީދު ތުހުމަތު ކުރެއްވުމާ ގުޅިގެންނެވެ.

އެމްޑީޕީގެ ޕީޖީ ގްރޫޕަށް ރޭގެ ވަގުތެއްގައި ރައީސް ނަޝީދު ފޮނުވި މެސެޖެއްގައި ވިދާޅުވީ އެމަނިކުފާނުގެ ހަމަލާއާ ގުޅޭ ކަންކަން ފޮރުވުމަށް ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް (އަނދުން ހުސެއިން) މަސައްކަތް ކުރެއްވި ކަމަށެވެ. އަދި ހަމަލާ އާ ގުޅޭ ކަންކަން ފޮރުވަން ސަރުކާރަށް ވާގިވެރި ވަނީ އޭނާ ކަމަށް ނަޝީދު ތުހުމަތު ކުރެއްވިއެވެ.

މިކަމާ ގުޅިގެން ޖަމީލް ވިދާޅުވީ ރައީސް ނަޝީދަށް ދިން ޓެރަރިސްޓް ހަމަލާއަކީ ސަމާސާއެއް ނޫން ކަމަށެވެ. އަދި އެމަނިކުފާނު ކުރައްވާ ތުހުމަތުން އެނގެނީ ރައީސް ޞާލިޙާއި ސަރުކާރަކީ ހައްދު ފަހަނައަޅައި ގޮސްފައިވާ އަނިޔާވެރި ބައެއްކަން ކަމަށެވެ. އަދި “ސަރުކާރުގައި މިފަހަރު މިއެޅީ ކޮން ފަންޏެއްތޯ” ޖަމީލް ވަނީ ސުވާލުކުރައްވައިފައެވެ. މިދިޔަ އަހަރުގެ މެއި މަހު ނަޝީދު އަވަހާރަކޮށްލަން ދިން ބޮމުގެ ހަމަލާއަށް އަހަރެއް ފުރުނު އިރު އެ ހަމަލާއަށް ފަންޑުކުރި މީހުން ހޯދިފައި ނުވުމާ އެކު ސިޔާސީ ވާދަވެރިކަމުގައި ރައީސް އިބްރާހިމް މުހައްމަދު ޞާލިހާއި ރައީސް ނަޝީދާ ދެމެދު ވަނީ ނުތަނަވަސްކަން ބޮޑުވެފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.