Monday, 16 November 2026
Advertisement
MWSC — SmartMeter (leaderboard)
ޚަބަރު

ފަޒީގެ ހިޖާމާ ކްލިނިކް ހުއްޓައިލައިފި

ފަޒީގެ ހިޖާމާ ކްލިނިކް ހުއްޓައިލައިފި

ހުއްދަ ނުނަގައި ހިޖާމާ ނުޖެހޭނެކަމަށް ހެލްތް މިނިސްޓްރީން އެންގުމުން، ފަޒީސް ހިޖާމާ ކްލިނިކް ހުއްޓައިލައިފިއެވެ.

ފަޒީސް ހިޖާމާ ޕޭޖުން މިއަދު ކޮށްފައިވާ ޕޯސްޓެއްގައި ބުނެފައި ވަނީ، ހުއްދަ ލިބެން ދެން ވަގުތީ ގޮތުން ހިޖާމާ ކްލިނިކް ހުއްޓައިލައިފައިވާ ކަމަށެވެ.

ފަޒީސް ހިޖާމާގެ މައްސަލަ ބޮޑުވެފައި ވަނީ، ޑޮކްޓަރީ ބޭހުގެ ބަދަލުގައި ހިޖާމާ ޖަހައިގެން އެކި ކަހަލަ ބަލިތަކަށް ފަރުވާ ހޯދޭނެކަމަށް ބުނެ އެ ފޭސްބުކް ޕޭޖުން ކުރަމުންދާ ޕޯސްޓުތަކަށް ގުޅިގެންނެވެ.

Advertisement
HDC — Sidebar (box)

ފަޒީސް ހިޖާމާ ހިންގަމުން އަންނަ ފަޒީ ބުނީ ހުއްދަ ނަގަން ބޭނުންވާ ކޯސް މިހާރު އޭނާ ފުރިހަމަ ކުރަމުންދާ ކަމަށާއި ދޮޅު މަހެއްގެ ތެރޭގައި ކޯސް ފުރިހަމަވާނެ ކަމަށެވެ. އޭރުން ނަގަން ޖެހޭ ހުއްދަ ނަގައިގެން އަލުން ހިޖާމާ ޖަހަން ފަށާނެ ކަމަށް ބުންޏެވެ.

ފަޒީ މިހާރު ހިޖާމާ ޖަހަމުން އަންނަތާ ވަނީ ހަ އަހަރުވެފައެވެ. އޭނާ ހިޖާމާ ޖަހަން ދަސްކޮށްފައި ވަނީ މީހުން ޖަހާ ގޮތް ބަލައިގެން ކަމަށް އޭނާ ބުނެއެވެ. ފަޒީ މިހާރު ދަނީ ޔޫކޭގެ ހިޖާމާ ނޭޝަންސްއިން ޑިޕްލޮމާ ކޯހެއް އޮންލައިންކޮށް ފުރިހަމަކުރަމުންނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.