މިރޭ 10 އަކުން ފެށިގެން މާލޭގައި ކާފިއު ހިންގަނީ
މިރޭ 10 އަކުން ފެށިގެން މާލޭގައި ކާފިއު ހިންގަން ނިންމައިފިއެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި އިއުލާން ކޮށްފައިވާ ގޮތުގައި މިރޭ 10:00 އިން ފެށިގެން ފަތިހު 5:00 އަށް ކާފިއު ހިންގާއިރު، އެކަމަށްޓަކައި، ރޭގަނޑު 9:30 އިން ފެށިގެން ފިހާރަތަކާއި ކެފޭ/ރެސްޓޯރަންޓުތައް ބަންދުކުރުމަށް ވަނީ އަންގާފައެވެ.
މީގެ މަގުސަދަކީ އާއްމުން މަގުމަތީގައި ހަރަކާތްތެރިވާ މިންވަރު މަދުކުރުން ކަމަށް ވެސް އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ނޫސްވެރިންގެ ބައްދަލުވުމުގައި ހެލްތު މިނިސްޓްރީގެ ޕޮލިސީ ޕްލޭނިން އެންޑް އިންޓަނޭޝަނަލް ހެލްތު އާއިޝަތު ސާމިޔާ ވިދާޅުވިއެވެ.
މީގެ އިތުރުން މާލޭ ނޫސްވެރިންގެ ބައްދަލުވުމުގައި ސިޓީ ޕޮލިސްގެ އިސްވެރިޔާ ސުޕްރިންޓެންޑެންޓް އޮފް ޕޮލިސް އަބްދުﷲ ޝަރީފް ވިދާޅުވީ އެޗްއީއޯސީ އާއި، އެމްބިއުލެންސްތަކާއި ސަލާމަތީ ހިދުމަތްތަކުގެ ވެހިކަލްތައް މެނުވީ، ކާފިއުގެ ގަޑިތަކުގައި މަގުމަތީގައި ނޫޅެވޭނެ ކަމަށެވެ.
އަދި މިރެއިން ފެށިގެން، އެ ވަގުތުތަކުގައި ބޭރުގައި އުޅޭ މީހުނާއި ވެހިކަލްތައް ހުއްޓުވައި، ޖޫރިމަނާކުރާނެކަމަށްވެސް ޝަރީފް ވިދާޅުވި އެވެ.
