ޤައުމީ ޔުނިވާސިޓީގެ އޯގަސްޓް އިންޓޭކަށް ހުޅުވައިލައިފި

ދިވެހިރާއްޖޭގެ ޤައުމީ ޔުނިވާސިޓީގެ އޯގަސްޓު އިންޓޭކަށް މިއަދު ހުޅުވައިލައިފިއެވެ.

އެ ޔުނިވާސިޓީގެ ސްކޫލް އޮފް މެޑިސިން ފިޔަވައި އެހެން ހުރިހައި ފެކަލްޓީއެއްގައި ކިޔަވައިދެމުންދާ ސެޓްފިކެޓް ލެވެލް ތިނަކުން ފެށިގެން މާސްޓާސް ޑިގްރީއާ ހަމައަށް ކުރިއަށް ގެންދާ 89 ކޯހަކަށް ވަނުމުގެ ފުރުސަތު އެ ޔުނިވާސިޓީން ވަނީ ހުޅުވައިލައިފައެވެ. މިގޮތުން މި ކޯސްތަކަށް ޖުމްލަ 5615 ޖާގައަށް ކުދިން ނެގުމަށް ވަނީ ހަމަޖެހިފައެވެ.

ޔުނިވާސިޓީން މަޢުލޫމާތުދޭ ގޮތުގައި، ނާސިންގ ފަދަ ކޯސްތައް ފިޔަވައި އިތުރު ކޯސްތަކަށް ކުދިން ނަގާނީ ފޯމު ހުށައަޅާ ތަރުތީބުންނެވެ. ނާސިންގ ފަދަ ކޯސްތަކަށް ކުދިން ނެގުމަށް ހަމަޖެހިފައި ވަނީ މެރިޓް އުސޫލުންނެވެ.

އެމް.އެން.ޔޫގެ އޯގަސްޓު އިންޓޭންކަށް އެޕްލިކޭޝަން ބަލައިގަތުމަށް ހަމެޖެހިފައި ވަނީ މި މަހުގެ 29ވަނަ ދުވަހުން ފެށިގެން ޖުލައި މަހުގެ 28އާ ހަމައަށެވެ.