ފިއްލަވައިގެން ލަންކާގެ ރައީސް ރާއްޖެއަށް! ލަންކާގެ ރައްޔިތުން ރަތަށް
ސްރީލަންކާގެ ރައީސް ގޮޓަބަޔާ ރާޖަޕަކްސް ފިއްލަވައިގެން ދިވެހިރާއްޖެއަށް ވަޑައިގަންނަވާފިއެވެ.
މިއަދު އިސްތިއުފާ ދެއްވާނެކަން އިއުލާން ކުރައްވާފައިވާ ގޮޓަބަޔާ ރާއްޖެ އައިސްފައިވަނީ ރޭގެ ވަގުތެއްގައެވެ. ވެރިކަމުން އިސްތިއުފާ ދެއްވުމުގެ ކުރިން ގޮޓަބަޔާ ޤައުމުން ފިއްލަވާފައިވަނީ، ލަންކާގެ ޤާނޫނު އޮންނަ ގޮތުން ވެރިޔަކު ހައްޔަރު ކުރުމަކީ ކުރެވޭނެ ކަމެއް ނުވާތީ ކަމަށް ބެލެވެއެވެ.
ބޭރުގެ މީޑިއާތަކުން ރިޕޯޓްކޮށްފައިވާ ގޮތުގައި ގޮޓަބަޔާ ރާއްޖެ ވަޑައިގަތް ވަގުތު އޭނާއަށް މަރުޙަބާ ދެންނެވުމަށް ރައީސް ނަޝީދު ވަނީ އެއަރޕޯޓަށް ވަޑައިގެންފައެވެ.
ގޮޓާބަޔަ ރާއްޖެ ވަޑައިގަތް މައްސަލައިގައި ދިވެހި ސަރުކާރު އަދި ވަކި އެއްޗެއް ހާމަކޮށްފައެއް ނުވެއެވެ.
ސްރީލަންކާގެ އިޤްތިޞާދީ ހާލަތާ ގުޅިގެން ވެރިރަށް ކޮލަމްބޯގައި ފެށި މުޒާހަރާތަކުގެ ބައިވެރިން ރިޔާސީ ގަނޑުވަރަށް ވަދެ އެ ތަން ހިސާރު ކުރުމާ ގުޅިގެން ރާޖަޕަކްސައަށް އިސްތިއުފާން ދޭން މަޖުބޫރު ކުރުވިއެވެ.
ސީއެންއެން އިން ރިޕޯޓްކޮށްފައިވާ ގޮތުގައި ގޮޓަބަޔާ ދަތުރުކުރެއްވި ލަންކާގެ އަސްކަރީ މަތިންދާބޯޓު ވެލާނާ އިންޓަނޭޝަނަލް އެއާޕޯޓަށް ޖައްސަން ފުރަތަމަ ހުއްދަ ނުދިނެވެ. ނަމަވެސް އެ ހުއްދަ ހޯދައިދީފައިވަނީ ރައްޔިތުންގެ މަޖިލީހުގެ ރައީސް، ރައީސް ނަޝީދެވެ.
މައުލޫމާތު ލިބިފައިވާ ގޮތުގައި ރާއްޖެ އައިސްފައިވަނީ ގޮޓަބަޔާގެ އިތުރުން އޭނާގެ އަނބިކަބަލުންނާއި ދެ ހަށިފާރަވެރިންނެވެ.
ސްރީލަންކާގެ ބޭރު ފައިސާގެ ރިޒާވް ހުސްވެ، އެ ޤައުމުގެ އިޤްތިޞާދު ފުން ވަޅުގަނޑަކަށް ވެއްޓިފައި މި ވަނީ ރާޖަޕަކްސަގެ ޢާއިލީ ވެރިކަމުގެ ނާގާބިލު ކަމުން ކަމުގައި ސްރީލަންކާގެ ގިނަ ރައްޔިތުން ދެކެއެވެ. އެ ޤައުމުން ތެލާއި ކާބޯތަކެތީގެ ބާވަތްތައް ހުސްވެ، އެ ތަކެތި ހޯދުމަށް އެ ޤައުމުގެ ރައްޔިތުން ދަނީ ބޮޑެތި ތަކުލީފުތަކެއް އުފުލަމުންނެވެ. މި ވަގުުތު ލަންކާގެ ރިޔާސީ ގަނޑުވަރު ވެސް އޮތީ ރައްޔިތުން ހިޞާރުކޮށްފައެވެ.
ލަންކާގެ ރައީސް ފިއްލަވައިގެން ރާއްޖެ ވަޑައިގަތުމާ ގުޅިގެން ގިނަ ބަޔަކު ދަނީ ޓްވިޓަރގައި ނުރުހުންފާޅު ކުރަމުންނެވެ. މިގޮތުން ލަންކާގެ ނޫސްވެރިންނާއި އާއްމުންވަނީ، ރާއްޖެއާއި ލަންކާއާ ދެމެދު އޮންނަ ގާތް ގުޅުމަށް މިކަމުން އަސަރު ކުރާނެ ކަމަށް ބުނެފައެވެ.
ގައުމުތަކުގައި ވެރިކަން ކުރާމީހުން ޤައުމުތަށް ލޫޓުވަގެން އުމުރަށް ދުނިޔޭގައި އުޅެވޭވަރަށް ފައިސާ ޖަމާކޮށްގެން ކޮންމެސް އެހެން ޤައުމެއްގައި ފިލައިގެން މިމީހުން މިއުޅެނީ، މީމުޅިންވެސް އެއްބަޔެއް، ދައުލައްތަކުގެ މާލިއްޔަތު ލޫޓުވާ ސިޔާސީ ވަފާތެރި ކެހިވެރިން ! މިމީހުން މިހާ އިހުލާސްތެރިނަމަ ރައްޔިތުން ދެކެ ބިރުގަންނާކަށެއް ނުޖެހުނީސް !
ޤަވްމު ބޮޑު އަދަވަޅެއްގެ ތެރެއަށްވައްޓާލާފަ މިބައިވަރުގަޑު ފިލާ ރައްކާވާނެ ދިވެހިން ހަމަހޭވެރިކަންވާކަށްނުވޭތަ އަދިވެސް