ވެންޓިލޭޓަރު މައްސަލަ: ޝިޔާމާއާއި އިތުރު ދެ މީހެއްގެ މައްޗަށް ދަޢުވާކުރުމާމެދު ގޮތްތަކެއް ހޯދަނީ
ކޮވިޑާ ގުޅިގެން ވެންޓިލޭޓަރު ގަތުމުގައި ހެލްތު މިނިސްޓްރީން ކޮރަޕްޝަން ހިންގާފައިވާ މައްސަލައިގައި ހެލްތު މިނިސްޓްރީގެ ކުރީގެ ޑެޕިއުޓީ މިނިސްޓަރު ޝިޔާމާ މުޙައްމަދަށް ދަޢުވާކުރުމާމެދު ގޮތްތަކެއް ހޯދަމުންދާަކަން އެނގިއްޖެއެވެ.
ދުބާއީގެ އެގްޒެކިއުޓާސް ޖެނެރަލް ޓްރޭޑިންއަށް ސަރުކާރުން ފައިސާ ދޫކުރި މައްސަލަ ތަޙްޤީޤުކުރުމަށްފަހު, ކުރީގެ ހެލްތު މިނިސްޓަރު ޢަބްދުﷲ އަމީން ހިމެނޭހެން ހެލްތު މިނިސްޓްރީގެ 11 މުވައްޒަފުންގެ މައްޗަށް ދަޢުވާކުރުމަށް އެދި އެންޓި ކޮރަޕްޝަން ކޮމިޝަނުން ޕްރޮސެކިއުޓާރ ޖެނެރަލްއަށް ތިން ފަހަރެއްގެ މަތިން ފޮނުވިއެވެ. ހަތަރުވަނަ ފަހަރަށް މިދިޔަ ޖޫންމަހުގައި ފޮނުވީ ޑިއުޓީ ޕްރޮސެކިއުޝަނަށެވެ.
ދަޢުވާކުރި ފަރާތްތައް:
މިނިސްޓަރު ޢަބްދުﷲ އަމީން
ޑެޕިޔުޓީ މިނިސްޓަރު ނިޝާމާ މުޙައްމަދު
ޑިރެކްޓަރު ނައުޝާދު ޢަލީ
ބިޑް ކޮމިޓީގެ މެމްބަރު އާމިނަތު ޝައުފާ
އެސިސްޓެންޓް ޑިރެކްޓަރު (ބިޑް ކޮމިޓީގެ މެމްބަރު) ފާޠިމަތު ލިމްޔާ.
ޑެޕިއުޓީ މިނިސްޓަރު ޝިޔާމާ މުޙައްމަދު
ފައިނޭންސް އެގްޒެކްޓިވް މުޙައްމަދު އަސްލަމް
ލީގަލް އޮފިސަރު ޢަލީ ޝިހާމް.
އެސިސްޓެންޓް ޑައިރެކްޓަރު ޢަބްދުﷲ ހަފީޒް.
އެސިސްޓެންޓް އެޑްމިނިސްޓްރޭޓިވް އޮފިސަރު ޙުސައިން ނިޔާޒު
ޑެޕިއުޓީ ޑިރެކްޓަރު ޖެނެރަލް ޢަބްދުﷲ ޝަރީފް
މި މީހުންގެ މައްޗަށް ދަޢުވާކުރަން އެދި ތިން ފަހަރު ފޮނުވިއިރު ކޮންމެ ފަހަރަކު ވެސް ޕީޖީން މައްސަލަ އަނބުރާ ފޮނުވާލައިފައިވާތީ އަމީނާއި އިތުރު 07 މީހެއްގެ މައްސަލަ މިހާރު ވަނީ ފައިލްކޮށްފައެވެ. އަދި 03 މީހެއްގެ މައްސަލައިގައި މަޝްވަރާކޮށްގެން ދަޢުވާކުރުމާމެދު ގޮތްތަކެއް ހޯދަމުންދާ ކަމަށް އޭސީސީން ބުނެފައިވެއެވެ.
އެނގިފައިވާ ގޮތުގައި އެ ތިން މީހުންނަކީ ޑެޕިއުޓީ މިނިސްޓަރު ޝިޔާމާ މުޙައްމަދާއި, ފައިނޭންސް އެގްޒެކްޓިވް މުޙައްމަދު އަސްލަމް ލީގަލް އޮފިސަރު ޢަލީ ޝިހާމެވެ.
ޕީޖީ އޮފީހުގެ މީޑިއާ އޮފިޝަލް އަޙްމަދު ޝަފީޢު އިއްޔެ ވިދާޅުވީ ދަޢުވާކުރަން އެދި ފޮނުވުމުން ތަޙްޤީޤު ފުރިހަމަކުރަން އެދިފައިވާނެ ކަމަށާއި, އެ ގޮތުން ވެންޓިލޭޓަރުގެ އެއްބަސްވުން އެކުލަވާލައިފައިވާ ގޮތާއި, އެ މައްސަލައިގައި ފައިސާ ދައުރުވި ގޮތް ބަލަން އެދުނު ކަމަށެވެ. ނަމަވެސް އޭސީސީން އެންމެ ފަހުން މައްސަލަ ފޮނުވިއިރު ވެސް އެ ބައިތައް ފުރިހަމަވެފައިނުވާ ކަމަށް އޭނާ ވިދާޅުވިއެވެ. ނަމަވެސް މިކަމާ ގުޅިގެން އޭސީސީގެ ބަހެއް އަދި ލިބިފައެއް ނުވެއެވެ.
ފައިސާދިނުމަށް ފަހު ބިޑް ކޮމިޓީއަށް ފޮނުވީ ސީދާ މަގަށް ރުޖޫއު ކުރުމަށް. ވެންޓިލޭޓަރުގެ މައްސަލަޔަޔާ ހެލްތު މިނިސްތްރި އާއި ގުޅުމެއްނެތް.