ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރަކަށް ސައުދުﷲ

ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ކަމަށް ސައުދުﷲ އަހުމަދު އައްޔަން ކުރައްވައިފިއެވެ.

Ads by Sosun Fihaara

މައުލޫމާތު ލިބިފައިވާ ގޮތުގައި ސައުދުﷲ އެ މަގާމަށް އައްޔަންކުރައްވާފައިވަނީ ފާއިތުވެދިޔަ ހަފްތާގައެވެ. އަދި އޭނާވަނީ މިހަފްތާގައި ވަޒީފާއަށް ނުކުންނަވަންވެސް ފައްޓަވާފައެވެ.

ސައުދުﷲ އަކީ މީގެ ކުރިން ރީޖަނަލް އެއާޕޯޓްސްގެ ޑިރެކްޓަރުކަމާއި ގްރޭޓާ މާލެ އިންޑަސްޓްރިއަލް ޒޯންގެ ޗެއާމަންގެ މަގާމު އަދާކުރެއްވި ބޭފުޅެކެވެ. މީގެ އިތުރުން ސައުދުﷲ އަދި ޖުމްހޫރީ ޕާޓީގެ ކައުންސިލް މެމްބަރެއްވެސް މެއެވެ.

ސައުދުﷲ ގެ އިތުރުން ޓްރާންސްޕޯޓް މިނިސްޓްރީގައި ޑެޕިއުޓީ މިނިސްޓަރުންގެ ގޮތުގައި ތިން ބޭފުޅަކު ތިއްބަވައެވެ. އެއީ ހިދާޔާ ނަސީރާއި ހަމަދު އަބްދުލްޣަނީ އަދި ސިމާޒް އަލީއެވެ. އެ މިނިސްޓްރީގެ ސްޓޭޓް މިނިސްޓަރުކަމުގެ މަގާމްގައި ހުންނަވަނީ އެންމެ ބޭފުޅެކެވެ.