ގަން އެއަރޕޯޓް ތަރައްޤީކުރުމަށް ބީލަމަށް ހުޅުވާލައިފި

އައްޑޫ ސިޓީގެ ގަން އިންޓަރނޭޝަނަލް އެއަރޕޯރޓް ތަރައްޤީކުރުމުގެ މަޝްރޫޢުގެ ބީލަން މަރުޙަލާ މިއަދު ފަށައިފިއެވެ.

Ads by Sosun Fihaara

އިކޮނޮމިކް މިނިސްޓްރީން ވިދާޅުވީ ގަން އިންޓަނޭޝަނަލް އެއަރޕޯޓު ތަރައްގީ ކުރާއިރު އަހަރަކު 1.5 މިލިއަން ފަސިންޖަރުންނަށް އެ އެއަރޕޯޓުން ހިދުމަތް ދެވޭނެ ކަމަށެވެ. އަދި މި މަޝްރޫއުގެ ދަށުން ޝޮޕިން، ޑައިނިން، ލައުންޖް، ކާގޯ، އޭއާރްއެފްއެފް އަދި އެހެނިހެން ފެސިލިޓީތައް ވެސް ތަރައްގީ ކުރާނެ ކަމަށް މިނިސްޓްރީން ވިދާޅުވިއެވެ.

މިމަޝްރޫޢުގެ ސަބަބުން ދެކުނުގެ މަސްވެރިކަމާއި ފަތުރުވެރިކަން ތަރައްޤީ ކުރުމަށް މަގުފަހިވެގެންދާނެ ކަމަށް ސަރުކާރުން ވިދާޅުވެއެވެ.

މީގެ އިތުރުން ވަޒީފާ އުފެދި، ދެކުނުގެ ރައްޔިތުންގެ ފުދުންތެރިކަން އިތުރުކުރުމަށް މަގުފަހިވެގެންދާނެ ކަމަށްވެސް ސަރުކާރުން ވިދާޅުވެއެވެ.

ގަން ޒަމާނީ ފެންވަރަށް ތަރައްޤީކުރުމަކީ ރައީސް އިބްރާޙިމް މުހައްމަދު ސާލިޙްގެ ވަޢުދުފުޅެކެވެ. ގަން އެއާޕޯޓު ތަރައްޤީ ކުރުމުގެ މަޝްރޫޢު ޕްރީ ކޮލިފިކޭޝަން މަސައްކަތް އެގްޒިމް ބޭންކުން ފަށާފައިވަނީ މޭއި މަހުގެ ތެރޭގައެވެ.