އެމްބާޕޭ ބުނަނީ މެސީއަށްވުރެ ރޮނާލްޑޯ މާބޮޑަށްވެސް މޮޅު ކަމަށް
ވޯލްޑް ކަޕްފައިނަލުގައި އާދީއްތަ ދުވަހު މެސީއާ ދެކޮޅަށް ކުޅެން ކިލިއަން އެމްބާޕޭ ތައްޔާރުވަމުން އަންނަ އިރު، ކްރިސްޓިއާނޯ ރޮނާލްޑޯ އަކީ ލިއޮނަލް މެސީއަށްވުރެ މާބޮޑަށްވެސް މޮޅު ކުޅުންތެރިއެއް ކަމަށް ކިލިއަން އެމްބާޕޭ ގަބޫލުކުރާ ކަމަށް އޭނާގެ ޓީމް މޭޓަކު ހާމަކޮށްފިއެވެ.
މިކަން ހާމަކޮށްފައި ވަނީ 2019 ވަނަ އަހަރު އެމްބާޕޭއާ އެކު ކުޅުނު، ޕީއެސްޖީގެ ޑިފެންޑަރު އަބުދު ޑިއާލޯއެވެ.
ޑިއާލޯ އެމްބާޕޭއާ ހަވާލާދީ ބުނީ ރޮނާލްޑޯ އަކީ "ގޯޓް" ކަމަށާއި، އޭނާ އަކީ "އަންޓަޗަބަލް" ކުޅުންތެރިއެއް ކަމަށް އެމްބާޕޭ ޤަބޫލުކުރާ ކަމަށެވެ. އަދި މެސީ-ރޮނާލްޑޯ ބަހުސް ކުރަން އެއްވެސް މީހަކު މަސައްކަތް ކޮށްފި ނަމަ އުމުރުން 23 އަހަރުގެ އެމްބާޕޭ "މަދުވެގެން އެއް ގަޑިއިރަށް" ބަހުސް ކުރާނެ ކަމަށްވެސް އޭނާ ބުންޏެވެ.
އެމްބާޕޭގެ މި ޤަބޫލުކުރުން، އާދިއްތަ ދުވަހުގެ ރޭގެ ފައިނަލް މެޗުގައި، ބަދަލުވެސް ވެދާނެއެވެ. އުމުރުން 35 އަހަރުގެ މެސީ ހުރީ، އޭނާ ވޯލްޑްކަޕްގައި ކުޅޭނެ އެންމެ ފަހު މެޗުން މޮޅުވެ، އެ ފަޚްރުވެރި ތަށި އުފުލައިލުމުގެ ވަރުގަދަ ޢަޒުމްގައެވެ.
ރޮނާލްޑޯގެ ޕޯޗުގަލް، މިފަހަރުގެ މުބާރާތުގެ ކުއާޓަރފައިނަލުން ހިތި ގޮތަކަށް ވަކިވީއިރު، މިފަހަރުގެ މުބާރާތަކީ ރޮނާލްޑޯ ކުޅޭނެ އެންމެ ފަހު މުބާރާތްވެސްމެއެވެ. ގިނަ ބަޔަކު ދެކޭގޮތުގައި، ޤަތަރުގައި ކުރިއަށްދާ ވޯލްޑްކަޕްގެ ފައިނަލްގައި، އާދީއްތަ ދުވަހުގެ ރޭ، އާޖެންޓީނާ ފްރާންސް ބަލިކޮށްފިނަމަ، މެސީއާ ރޮނާލްޑޯގެ ތެރެއިން މޮޅީ ކާކުތޯ ކުރާ ބަހުސް ނިމުމަކަށް އަންނާނެއެވެ.
ހަހަހަ ރޮނާލްޑޯ އަށް އަދި ވޯލްޑްކަޕް ފައިނަލަށްވެސް ނަަދެވޭދޯ…ހަހަހަ