ލ. ގަމުން އެއްވެސް މީހަކު ކޮވިޑަށް ފައްސިއެއް ނުވޭ!

ލ. ގަމުން އެއްވެސް މީހަކު ކޮވިޑް-19 އަށް ފައްސި ވެފައިނުވާ ކަމަށް އެރަށު ކައުންސިލުން މައުލޫމާތު ދީފިއެވެ.

Ads by MWSC

ލ. ގަމު ކައުންސިލުން ފޭސްބުކްގައި ކުރި ޕޯސްޓެއްގައި ބުނެފައިވަނީ އެރަށުން އެއްވެސް މީހަކު އަދި ކޮވިޑް-19 އަށް ފައްސި ވެފައިނުވާ ކަމަށާއި މާލެއިން ގަމަށް ދަތުރުކުރި ބޯޓަކީ މިމަހުގެ 4 ވަނަ ދުވަހު ލ. ގަމު ބަނދަރުން ފުރާފައިވާ ބޯޓެއް ކަމަށެވެ.

"ބޯޓުގައި މަސައްކަތްކުރާ ދެ ބިދޭސީންގެ ގައިން ނެގި ސާމްޕަލްގެ ތެރެއިން ފައްސިވެފައިވަނީ އެއް ބިދޭސީ. ފައްސި ވެފައިވަނީ މާލޭގެ މަގުމަތިން ނެގި ރޭންޑަމް ސާމްޕަލެއްގެ ތެރެއިން." އެރަށު ކައުންސިލުން ބުނެފައިވެއެވެ.

މީގެއިތުރުން ލ. ގަމު ކައުންސިލުން ބުނެފައިވަނީ އެބިދޭސީމީހާ ފައްސި ކަމަށް ކަނޑައަޅާނީ މިހާރު ނަގާފައިވާ ދެވަނަ ސާމްޕަލް ފައްސި ވެއްޖެނަމަ ކަމަށެވެ.

"ލ. ގަމަށް ދަތުރުކުރާ ބޯޓަކުން މީހަކު ކޮވިޑަށް ފައްސިވެއްޖެ" މިސުރުޙީގެ ދަށުން "ދެން" ގައި މިއަދު ޝާއިއު ކުރި ޚަބަރަކީ ލިބުނު މައުލޫމާތުގެ ކުށަކުން ލިޔެވުނު ޚަބަރެކެވެ. އެޚަބަރުގެ ހަގީގަތް ފަހުން އެނގުމުން "ދެން" އިން ވާނީ އެޚަބަރު ނަގާފައެވެ. އެކުށަށް "ދެން" ގެ ހުރިހާ ކިޔުންތެރިންގެ ކިބައިން ނިހާޔަތައް މާފަށް އެދެމެވެ. އަދި މާތް ﷲ ގެ އިރާދަފުޅާއެކު، ކުރިއަށް އޮތްތަނުގައި ޒިންމާދާރުކަމާއެކު ތެދު މައުލޫމާތު ފޯރުވުމުގައި ދެމިތިބޭނެ ކަމަށްވެސް ދަންނަވަމެވެ.