ްއާ އަހަރު ފެށުން ފާހަގަކުރަން 79 ރަށެއްގައި ހަވާ އަރުވާނެ

އާ އަހަރުގެ ފެށުން ފާހަގަކުރަން 79 ރަށެއްގައި ހަވާ އެރުވުމަށް ނިންމައިފިއެވެ.

Ads by Hajj Corporation

ސިފްކޯގެ އޮފިޝަލަކު ވިދާޅުވީ އޭގެ ތެރޭގައި ހިމެނެނީ މީހުން ދިރިއުޅޭ ފަސް ރަށާއި، 74 ރިސޯޓު ކަމަށެވެ.

އާ އަހަރު ފެށުން ފާހަގަކުރުމުގެ ގޮތުން ޔޫތް މިނިސްޓްރީން ވަނީ މިއުޒިކް ޝޯއެއް ބާއްވަން ނިންމާފައެވެ. އެ މިނިސްޓްރީން ވިދާޅުވީ އެ ޝޯގެ ތެރެއިން ވެސް ހަވާ އަރުވާނެ ކަމަށެވެ. އެ ޝޯގައި  ބޮޑުބެރު ލަވަތަކާއި ދިވެހި ބައެއް ފަންނާނުންގެ ހުށަހެޅުންތައް ފެނިގެންދާނެ ކަމަށް މިނިސްޓްރީން ބުނެއެވެ.

މިއުޒިކް ޝޯއާއެކު ހަވާ އެރުވުން އޮންނާނީ މި މަހުގެ 31 ވަނަ ދުވަހުގެރޭ 8:30 ގައި ހުޅުމާލެ ސިންތެޓިކް ޓްރެކުގައެވެ.

އާ އަހަރު ފާހަގަ ކުރުމުގެ ގޮތުން ރާއްޖޭގެ އެކި ކަންކޮޅުތަކުގައި މީގެ ކުރިން ވެސް ހަވާ އެރުވުމުގެ ހަރަކާތްތައް ބާއްވާފައިވެއެވެ.