އިނގިރޭސިން މަހުން ނަގަމުން އަންނަ ޓެކްސް ވަރަށް އަވަހަށް ކަނޑާލާނެ، އޭރުން ރޯ މަހުގެ އަގު އުފުލޭނެ: ރައީސް ނަޝީދު
އިނގިރޭސިވިލާތުން ރާއްޖޭގެ މަހުން ނަގަމުން އަންނަ ޓެކްސް ވަރަށް އަވަހަށް ކަނޑާލާނެ ކަމަށާއި އޭރުން ރޯމަހުގެ އަގު 27 އިންސައްތައިން ބޮޑު ވާނެ ކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
މަސްވެރި ރަށެއްކަމުގައިވާ މ. ވޭވަށަށް ވަޑައިގެން މިއަދު ދެއްކެވި ވާހަކަފުޅުގައި ރައީސް ނަޝީދު ވަނީ މަސްވެރިންގެ އާއްމުދަނީ އާއްމުދަނީ އިތުރު ކުރުމަށް ސަރުކާރުން މަސައްކަތް ނުކުރާ ކަމަށް ވިދާޅުވެ، އެކަމަށް ފާޑު ވިދާޅުވެފައެވެ.
"އަޅުގަނޑުމެންގެ މަސައްކަތަކަށް ވާންވީ ރަށްރަށުގައި މަސް ޕްރޮސެސް ކުރެވޭނެ ގޮތްތަކެއް ހޯދުން. ސަރުކާރަށް އެއްގޮތަކަށްވެސް މިކަން މީ ކުރާން ޖެހޭ ކަމެއްގެ ގޮތުގައި ބަލައެއް ނުގަނެވުނު، އެހެންވީމަ އަޅުގަނޑުމެންގެ ސިޔާސަތުތައް ތަންފީޒް ނުކުރެވުނު. އެމްޑީޕީ ވަރަށް ގިނަ މެންބަރުން ސަރުކާރާ ފެޔަށް، ސަރުކާރާ ނުރުހި މިވާ އެންމެ ބޮޑު ސަބަބަކީ އެމްޑީޕީގެ ސިޔާސަތުތައް ތަންފީޒްކޮށް." ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ، ރޯ މަސް ކިލޯއެއްގެ އަގު ހުންނަން ޖެހޭނީ 27 ރުފިޔާގައި ކަމަށާއި ނަމަވެސް އެ އަގު މިއަދު އުޅެނީ 17 ރުފިޔާއަށް ކަމަށެވެ. އަދި ސަރުކާރުން މަހުގެ އަގު އުފުލުމަށް މަސައްކަތް ނުކުރާ ކަމަށް ވިދާޅުވިއެވެ.
ރައީސް ނަޝީދު ވިދާޅުވީ، އިނގިރޭސިވިލާތުން ނަގަމުން އައި ޓެކްސް ވަރަށް އަވަހަށް ކަނޑާލާނެ ކަމާއި އޭރުން ރޯމަހުގެ އަގު 27 އިންސައްތައިން ބޮޑު ވާނެ ކަމަށެވެ. ނަމަވެސް އެއީ ބޭނުންވާ ގޮތް ނޫން ކަމަށާއި ޕްރޮސެސްކޮށްގެން މަސް ވިއްކާނަމަ އަގު އެއަށްވުރު ބޮޑުވާނެ ކަމަށް ވިދާޅުވިއެވެ.
ރައީސް ނަޝީދު އިތުރަށް ވިދާޅުވީ، މި ސަރުކާރުން ކުޑަ ރަށެއް ބޮޑު ރަށެއް ބަލާނުލާ ބޭކާރު ޚަރަދު ކުރުމަސްވުރެ، ރަށުގެ އުފެއްދުންތެރިކަމަށް ބަލާ، އެކަން އިތުރު ކުރުމަށް މަަސައްކަތް ކުރެވިއްޖެނަމަ މިއަދު އާއްމުދަނީ ދެގުނަ ވެގެންދާނެ ކަމަށެވެ.
އިނގިރޭސިވިލާތުން މަހުން ނަގަމުން އަންނަ ޓެކްޓް ކަނޑާލަން މަޝްވަރާކޮށް، އެކަން ދެ މަހެއްގެ ތެރޭގައި ކުރާނެ ކަމަށް އެ ޤައުމުގެ ވަޒީރުން ވިދާޅުވި ކަމަށް ރައީސް ނަޝީދު މީގެ ކުރިން ވަނީ ވިދާޅުވެފައެވެ. އެކަމަށް ރައްދު ދެއްވަމުން ރައީސް ޞާލިޙް ވަނީ އެކަން ކުރެއްވީ އަބްދުﷲ ޝާހިދު ކަމަށާއި ރައީސް ނަޝީދު އުޅުއްވަނީ ކްރެޓިޑް ނަންގަވަން ކަމަށް ވިދާޅުވެފައެވެ.
ޑީއުޓީ ނުކަނޑާނެ. ޑީޢުޓީ ނަގަން ފެއްޓުވީ މައުމޫނަށް ޖެއްސުން ކުރުމަށް
ނަސީދު ފެއްޓި މަސައްކަތުގެ ތެރޭން.މިހާރު އިގިރޭސިން އުޅެނީ އިގްތިސާދު ވަޅަކަށް ވެއްޓިގެން.ނަސީދު ވަނީ ދިވެހި ގައުމަށް ގިނަގުނަ ގެއްލުން ދީފަ.އިސްތިއުފާގެ ސިޓީން ވެސް އެކަން އެގޭނެ.