ޓްރާންސްޕޯޓް މިނިސްޓްރީ ހުޅުމާލެއަށް ބަދަލު ކޮށްފި
ޓްރާންސްޕޯޓް މިނިސްޓްރީން ދެމުން އަންނަ ހުރިހާ ހިދުމަތެއް ހުޅުމާލޭގައި އަލަށް ހުޅުވި ސަރުކާރުގެ އޮފީސް އިމާރާތް، 'އުމަރު ޒާހިރު އޮފީސް ބިލްޑިން' އަށް ބަދަލުކޮށްފިއެވެ.
މިކަން ހާމަކުރައްވައި އެ މިނިސްޓްރީން ވިދާޅުވެފައިވަނީ މި މަހުގެ 19 ވަނަ ދުވަހުން ފެށިގެން އެ އިދާރާ އޮފީސް ހިންގާނީ އުމަރު ޒާހިރު އޮފީސް ބިލްޑިންގެ ތިންވަނަ ފުލޯގައި ކަމަށެވެ.
މި އިމާރާތަށް ސަރުކާރުގެ ގިނަ އޮފީސްތައް ބަދަލުކުރުމަށް ހަމަޖެހިފައިވާއިރު، އެންމެ ފުރަތަމަ ބަދަލުކޮށްފައިވަނީ ޖެންޑާ މިނިސްޓްރީއެވެ.
މީގެ އިތުރުން، ހަޔާ އެޑިއުކޭޝަން މިނިސްޓްރީ އާއި ރާއްޖޭގައި ހުންނަ އެމެރިކާ އެމްބަސީ އެއްކޮށް އެ އިމާރާތަށް ބަދަލުކުރަން ނިންމައިފައިވާ ކަމަށް ހައުސިން މިނިސްޓްރީން ވަނީ ވިދާޅުވެފައެވެ.
އެގޮތުން ހަޔާ އެޑިއުކޭޝަން މިނިސްޓްރީގެ ޚިދުމަތްތައް އަންނަ މާޗް މަހު އެ އިމާރާތަށް ބަދަލުކުރަން ވަނީ ހަމަޖެހިފައެެވެ.
މި ބަދަލާއެކު، މިނިސްޓްރީގެ ކައުންޓަރުތަކުން ދޭ ޚިދުމަތްތައް ދިނުމަށް ހަމަޖެހިފައި ވަނީ އާ އިމާރާތުގެ ގްރައުންޑް ފްލޯގައި ހުންނަ މިނިސްޓްރީގެ ކައުންޓަރުތަކުންނެވެ.
