މެސީއަށް ފީފާ ބެސްޓް އެވޯޑު
2022 ވަނަ އަހަރުގެ ފީފާ އެވޯޑްސްގެ އެންމެ މޮޅު ފިރިހެން ކުޅުންތެރިޔާގެ މަޤާމަށް އާޖެންޓީނާ އާއި ޕެރިސް ސެއިންޓް ޖާމަން (ޕީއެސްޖީ)ގެ ފޯވާޑް ލިއޮނަލް މެސީ ހޮވިއްޖެއެވެ.
އުމުރުން 35 އަހަރުގެ ރޮނާލްޑޯ ވަނީ ފްރާންސްގެ ފޯވާޑް ކިލިއަން އެމްބާޕޭ އާއި ކަރީމް ބެންޒެމާގެ ޕެއާއާ ވާދަކޮށް، މި އިނާމު ހޯދައިފައެވެ.
އާޖެންޓީނާގެ ކެޕްޓަންކަމުގެ ދަށުން ޤަތަރުގައި ވޯލްޑް ކަޕް ކާމިޔާބުކޮށްދިން މެސީ ވަނީ 2021-22 ވަނަ އަހަރު ކްލަބާއި ޤައުމަށް ކުޅުނު 49 މެޗުގައި 27 ލަނޑު ކާމިޔާބުކޮށްފައެވެ.
އެންމެ މޮޅު އަންހެން ކުޅުންތެރިއަކަށް ހޮވުނީ ބާސެލޯނާގެ އެލެކްސިއާ ޕުޓެލާސްއެވެ.
ދެ ވަނަ ފަހަރަށް މި އެވޯޑް ހޯދި މެސީ ބުނީ މިއީ ވަރަށް އުފާވި ކަމެއް ކަމަށެވެ.
"މިއަހަރަކީ ވަރަށް ބޮޑު އަހަރެއް، މިތަނަށް އައިސް މި އެވޯޑް ލިބުމަކީ އަޅުގަނޑަށް ލިބުނު ވަރަށް ބޮޑު ޝަރަފެއް. އަޅުގަނޑުގެ ޓީމްމޭޓުން ނެތްނަމަ، އަޅުގަނޑު މި ހިސާބަށް ނާންނާނެ."
ޕެރިހުގައި ބޭއްވި މި އެވޯޑު ހަފްލާގައި، އާޖެންޓީނާ އަށް ތިން ވަނަ ފަހަރަށް ވޯލްޑް ކަޕް ކާމިޔާބުކޮށްދިން ލިއޮނަލް ސްކަލޯނީ ވަނީ އަހަރުގެ އެންމެ މޮޅު ފިރިހެން ކޯޗަކަށް ހޮވިފައެވެ.
Ads by STO
