މިއަދު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ

މިއަދު މާލެ ސިޓީގެ ބައެއް ސަރަހައްދުތަކުން ކަރަންޓުގެ ޚިދުމަތް މެދުކެނޑޭނެއެވެ.

Ads by Sosun Fihaara

ސްޓެލްކޯއިން ވިދާޅުވީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމަށްޓަކައި މިއަދު މެންދުރު 15:00 އިން 16:30 އަށް ހެންވޭރު ބޮޑުތަކުރުފާނުމަގު، އަމީރުއަހުމަދުމަގާއި، ކަސްތޫރިމަގު، ހިތްފަސޭހަގޯޅި، ސަނދުބަރަކާގޯޅި، ފިނިހިޔާގޯޅި، މެހެލިގޯޅި، އަދި ސޯސަންމަގުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.

އަދި މިކަމުގެ ސަބަބުން ދިމާވެދާނެ ދަތިތަކަށްޓައި އެ ކުންފުނިން ވަނީ މަޢާފަށް އެދިފައެވެ.

ސްޓެލްކޯއިން ރައްޔިތުންނަށް ދެމުންދާ ޚިދުމަތް އިތުރަށް ފުރިހަމަކުރުމުގެގޮތުން ގްރޭޓަރ މާލޭ އިންޓަރކަނެކްޝަން ގްރިޑްގައި ކޮންމެހެން ކުރަންޖެހޭ މަސައްކަތްތަކެއް ކުރުމަށް ދޭތެރެ ދޭތެރެއިން ކަރަންޓުގެ ޚިދުމަތް ބައެއް ވަގުތުތަކުގައި މެދުކަނޑައިލައެވެ.