ކެލާއިން ކޮވިޑަށް ފައްސިވީ މީހުން ރަނގަޅުވެއްޖެ
ހއ. ކެލާއިން ކޮވިޑް-19 އަށް ފައްސިވީ އެންމެން އެބަލިން ރަނގަޅުވެއްޖެއެވެ.
ކެލާއިން އެންމެ ފުރަތަމަ ކޮވިޑަށް ފައްސިވެފައިވަނީ މާލެއާއި އެރަށާއި ދެމެދު ދަތުރުކުރާ "ސަވާރީ" ބޯޓުގެ ކައްޕިއެވެ. އޭނާ ކޮވިޑަށް ފައްސިވެފައިވާކަން އެނގިފައިވަނީ މަހުގެ 28 ވަނަ ދުވަހުގައެވެ.
އޮންލައިން ނޫސް "ސަން" އަށް މައުލޫމާތު ދެމުން އެރަށު ކައުންސިލުގެ ނައިބު ރައީސް އައިމިނަތު އިސްމާއިލް ވިދާޅުވީ ކެލާއިން 10 މީހަކު މިބައްޔަށް ފައްސި ވެފައިވާއިރު އެއެންމެންނަކީ ވެސް "ސަވާރީ" ބޯޓު ކޭސްއާއި ގުޅިގެން ފައްސިވީ މީހުން ކަމަށެވެ.
ކެލާއިން ފައްސިވީ އެންމެން މިހާރު ރަނގަޅު ވެފައިވާއިރު، އެރަށުން އިތުރު މީހަކު މޮނީޓަރިންގެ ހާލަތުގައި ވެސް ނެތް ކަމަށް އައިމިނަތު ވިދާޅުވެފައިވެއެވެ.
ރާއްޖޭގައި ވެސް ކޮވިޑް-19 ފެތުރެމުން އަންނައިރު، އެބައްޔަށް ފައްސިވީ މީހުންގެ އަދަދު މިހާރު ވަނީ 5،572 އަށް އަރާފައެވެ. ބަލިން ރަނގަޅުވީ މީހުންގެ ޖުމްލަ އަދަދު 3،010 އަށް އަރާފައިވާއިރު ބަލިން ރަނގަޅުވީ 90 މީހުންނެވެ.
ހޮސްޕިޓަލުގައި ފަރުވާ ދެމުންދާ މީހުންގެ އަދަދަކީ، 150 އެވެ. ބަލި ޖެހިގެން އައިސޮލޭޝަން ފެސިލިޓީތަކުގައި އެކަހެރިކޮށްފައިވާ ވަނީ، 1،508 އެވެ. މިހާތަނަށް ބަލި ޖެހިގެން 22 މީހަކު ވަނީ މަރުވެފައެވެ.
