ކަނޑުން ބައެއް ގެއްލުނު މައްސަލައިގައި އިހުމާލުވި ފަރާާތްތައް ޒިންމާ ކުރުވަން ޖެހޭނެ: މުނައްވަރު

ރާއްޖޭގެ ކަނޑުގެ ސަރަހައްދުން ބޮޑުބައެއް ގެއްލިގެން ދިޔުމަކީ ކާމިޔާބީއެއް ނޫން ކަމަށާއި، މިކަމުގައި އިހުމާލުވެފައިވާ ފަރާތްތައް ޒިންމާ ކުރުވަން ޖެހޭނެ ކަމަށް ކުރީގެ ބަންޑާރަ ނައިބު ޑރ. މުޙައްމަދު މުނައްވަރު ވިދާޅުވެއްޖެއެވެ.

Ads by Sosun Fihaara

މުނައްވަރަކީ ޗާގޯސް މައްސަލައިގައި މި ސަރުކާރުން ނެގި ސްޓޭންޑާމެދު ކަންބޮޑުވުންފާޅުކުރައްވަމުން ގެންދެވި ބޭފުޅެކެވެ.

މުނައްވަރު ކުރެއްވި ޓުވީޓެއްގައި ވިދާޅުވީ ޤާނޫނަކުން ކަނޑައެޅިފައިވާ ދިވެހިރާއްޖޭގެ ޚާއްސަ އިޤްތިޞާދީ ސަރަޙައްދުން ބައެއް ގެއްލުމަކީ ނުވަތަ އުނިވުމަކީ ލިބޭ ކާމިޔާބެއް ނޫން ކަމަށާއި، އެއީ ލިބޭ ހިތާމައެއް ކަމަށެވެ.

އެހެންކަމުން މިކަމުގައި އިހުމާލުވި ފަރާތްތައް ޒިންމާ ކުރުވަން ޖެހޭނެ ކަމަށް އޭނާ ވިދާޅުވިއެވެ.

އިއްޔެ އިޓްލޮސްގައި ނިމި ދިޔަ މައްސަލައަކީ މޮރިޝަސް އަށް ޗާގޯސް ލިބުނު ފަހުން ޗާގޯސް އިން 200 މޭލު އަދި ރާއްޖެއިން 200 މޭލު ކުރަހައިފި ނަމަ އެ ދެމެދު ފުށޫ އަރާ އީއީޒެޑް ދެބަޔަށް އެއްވަރުވާނޭ ހަމައަކުން ބެހުމުގެ މައްސަލައެވެ.

އެ މައްސަލަ ނިމިގެން ދިޔަ ގޮތުން ރާއްޖެއަށް ވަނީ 47،232 އަކަ ކިލޯމީޓަރު، އަދި މޮރިޝަސް އަށް 45،331 އަކަ ކިލޯމީޓަރު ލިބިފައެވެ. އެއީ ރާއްޖެއަށް 135 ނޯޓިކަލް މޭލެވެ.