ރައީސް ޞާލިޙްގެ ވެރިިކަމުގެ ދުވަސްތައް ހޭދަ ކުރަނީ އިންޑިއާގެ ވަކީލެއްގެ ގޮތުގައި: ސައީދު

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙްގެ ވެރިގަމުގެ ކޮންމެ ދުވަހެއް ވެސް ހޭދަ ކުރެއްވީ އިންޑިއާގެ ވަކީލެއްގެ ގޮތުގައިކަމަށް ޕީއެންސީގެ ނައިބު ރައީސް އަދި މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.

Ads by Sosun Fihaara

ސައީދު މިފަދައިން ވިދާޅުވީ ހާރިޖީ ސިޔާސަތުގައި ރައީސް ޞާލިޙް އެންމެ އިސްކަން ދެއްވަނީ އިންޑިއާ ކަނޑުގެ ހަމަޖެހުމަށް ކަމަށް ނައިބު ރައީސް ފައިސަލް ނަސީމް ވިދާޅުވުމާއި ގުޅިގެންނެވެ.

ބަންގްލަދޭޝްގެ ވެރިރަށް ޑާކާގައި ކުރިޔަށްދާ އިންޑިއަން އޯޝަން ކޮންފަރެންސްގައި ވާހަކަފުޅު ދައްކަވަމުން ނައިބު ރައީސް ވިދާޅުވީ އިންޑިއާ ކަނޑުގެ އިޖުތިމާއީ އަދި އިގްތިސާދީ ހަމަޖެހުމާއި ކުރިއެރުމަށް މި ސަރުކާރުން އިސްކަންދޭ ކަމަށެވެ.

މިކަމާއި ގުޅިގެން ސައީދު ވިދާޅުވީ ނައިބު ރައީސްގެ ވާހަކަފުޅަކީ ވަރަށް ބޮޑު ތެދެއް ކަމަށެވެ. އަދި ރައީސް ޞާލިޙްގެ ކޮންމެ ދުވަހެއް ވެސް ހޭދަކުރީ އިންޑިއާގެ ވަކީލެއްގެ ގޮތުގައި ކަމަށާއި މައްސަލައަކީ ދިވެހި ކަނޑު ރައީސްއަށް ނުފެނުން ކަމަށެވެ. ސައީދު އިތުރަށް ވިދާޅުވީ ދިވެހިންގެ މަސްލަހަތު އިސްކުރުމުގައި ދައުލަތް އިޙްމާލުވުމަކީ ވެސް މައްސަލައެއް ކަމަށެވެ.