އިތުބާރު ނެތް ކަމުގެ މައްސަލާގައި ޖަވާބުދާރީވާން އޭޖީީއަށް ނޯޓިސް ފޮނުވައިފި
ރައްޔިތުންގެ މަޖިލީހަށް ހުށައަޅާފައިވާ ބަންޑާރަ ނައިބު އިބްރާހީމް ރިފްއަތުގެ އިތުބާރު ނެތްކަމުގެ މައްސަލައަށް ޖަވާބުދާރީވެވަޑައިގަތުމަށް މަޖިލީހުގެ އިދާރާ އިން އޭނާއަށް 14 ދުވަހުގެ ނޯޓިސް އިއްޔެ ދީފިއެވެ.
ރާއްޖެއާ މޮރިޝަސްގެ ކަނޑުގެ ސަރަޙައްދުން ފުށު އަރާ ބައިގެ އިން ވަކި ކުރި މައްސަލައިގައި އުފެއްދި "ކަނޑު ވިއްކުމާ ދެކޮޅު ކޯލިޝަން"އިން ކުރިން ބޭއްވި ނޫސްވެރިންގެ ބައްދަލުވުމެއްގައި ބުނީ ރިފްއަތާއި ދެކޮޅަށް އިތުބާރު ނެތްކަމުގެ މައްސަލަ ވެއްދީ ޗާގޯޯސް މައްސަލައިގައި ރާއްޖޭގެ ކަނޑުގެ ސަރަޙައްދުން ބައެއް ވިއްކާލާފައިވާ ކަމުގެ ތުހުމަތާއިއެކުގައި ކަމަށެވެ.
ނަޝީދު ވިދާޅުވީ، ރިއްފަތުގެ އިތުބާރު ނެތް ކަމުގެ މައްސަލާގައި 13 މެމްބަރަކު ސޮއިކުރައްވާފައިވާ ކަމަށެވެ. ނަމަވެސް، މައްސަލަ ވެއްދި ދުވަހު އިދިކޮޅު ފަރާތްތަކުން ބުނެފައި ވަނީ، އެ މައްސަލާގައި 15 މެމްބަރަކު ސޮއިކުރައްވާފައިވާ ކަމަށެވެ.
އެ ކޯލިޝަނުން ބުނީ މި މައްސަލައިގަ ރައީސް އިބްރާހިމް މުޙައްމަދު ޞާލިޙާއި ފޮރިން މިނިސްޓަރު އަބްދުﷲ ޝާހިދުގެ އިތުބާރު ނެތްކަމުގެ ވޯޓު ނަގަންވެސް މަޖިލީހަށް ހުށަހަޅާނެ ކަަމަށެވެ.
މަޖިލީހުގައި، ވަޒީރެއްގެ އިތުބާރު ނެތްކަމަށް ފާސްވާނީ ޖުމްލަ މެމްބަރުންގެ ދެބައިކުޅަ އެއްބައި މެމްބަރުންގެ އަޣުލަބިއްޔަތު ލިބިގެންނެވެ. އެއީ މަޖިލީހުގެ 87 މެމްބަރުންގެ ތެރެއިން 43 މެމްބަރުންގެ ވޯޓުންނެވެ.
ރިޝްވަތުގެ ސުންޕާކަން ލައިގަނެފައި ތިޔައޮތީ ! ރިޝްވަތު ދިނުމާއި ހިފުން ﷲ ވަނީ ހަރާމް ކިރައްވާފައި، އެމީހުނަށް ލަޢުނަށް ލައްވާފައި ! ޔާ ﷲ މިވަބާއިން އަޅަމެން ދިންނަވާށި !