ރޭ އަނިޔާވެރި ގޮތަކަށް މަލާރި ޒުވާނާގެ ޖަނާޒާ އަޞުރަށްފަހު

ސ. މަރަދޫފޭދޫގައި ރޭ ހިންގި މާރާމާރީގައި މަރުވި 27 އަހަރުގެ ޒުވާނާގެ ޖަނާޒާގެ ކަންކަން މިއަދު އަޞުރު ނަމާދަށްފަހު ކުރިޔަށްދާނެއެވެ.

Ads by Hajj Corporation

ބްލޫ ސްޓާ އަހުމަދު ޝުއައިބް، 27، ގެ ޖަނާޒާ އޮންނާނީ އަސުރަށް ފަހު މަސްޖިދުލް އަލީގައެވެ.

އޭނަ މަރުވީ 25 އަހަރުގެ ކޮއްކޮ ތޫނު އެއްޗަކުން ރޭ ދަންވަރު ދިން ހަމަލާތަކެއްގައި ލިބުނު ގެއްލުންތަކަށް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި ފަރުވާ ދެމުން ދަނިކޮށެވެ. ބޭބެގެ ކަރަށް ހަމަލާދިނީ ކަތުރަކުން ކަމަށް ވަނީ އެނގިފައެވެ.

އެނގިފައިވާ ގޮތުގައި ދެބެއިންގެ މެދުގައި މާރާމާރީ ހިންގީ މަސްތުވާތަކެތީގެ މައްސަލައެއްގައެވެ.