އެމްޑީޕީއާ އިތުރު 2،500 މެމްބަރުން ގުޅިއްޖެ

ވެރިކަން ކުރާ މައި ޕާޓީ، އެމްޑީޕީ އަށް އިތުރު 2،500 މެމްބަރުން ގުޅިއްޖެއެވެ.

Ads by Sosun Fihaara

ޗެއާޕާސަން ފައްޔާޒު އިސްމާއިލް ވިދާޅުވީ މެމްބަރުން އިތުރު ކުރުމަށް ހިންގުނު ހަރަކާތުގެ ތެރެއިން 2،500 ފޯމު ލިބިފައިވާ ކަމަށާއި އެމްޑީޕީ އަކީ އަބަދުވެސް ޕާޓީ ކުރިއެރުވުމަށް މަސައްކަތް ކުރާނެ ޕާޓީއެއް ކަމަށެވެ.

އެގޮތުން ކުރިއަށް އޮތް ތަނުގައި ވެސް އެމްޑީޕީ އަށް މެމްބަރުން އިތުރުކުރަން މަސައްކަތް ކުރާނެ ކަމަށާއި ޕާޓީއެއް އުފައްދަން ބޭނުންވާ އެންމެ މަދު އަދަދު ކަމަށްވާ 3000 މެމްބަރުން ހަމަވެގެން އެ މަސައްކަތް ހުއްޓާ ނުލާނެ ކަމަށްވެސް ފައްޔާޒު ވިދާޅުވިއެެވެ.

އެމްޑީޕީއާ އަލަށް ގުޅުނު ދާއިރާތަކުގެ ތެރޭގައި ހދ. މަކުނުދޫ ދާއިރާ، ގދ. ތިނަދޫ ދެކުނު ދާއިރާ، ގދ. މަޑަވެލި ދާއިރާ ހިމެނެއެވެ. އައްޑޫންވެސް ދާދި ފަހުން ވަނީ އެމްޑީޕީއަށް ގިނަ ބަޔަކު ސޮއި ކޮށްފައެވެ.