ޖޭއެސްސީ އިސްލާހު ކުރުމުގެ ބިލު މަޖިލީހަށް ފޮނުވައިފި
ޖުޑީޝަލް ސާވިސް ކޮމިޝަން (ޖޭއެސްސީ) އިސްލާހު ކުރުމުގެ ބިލް ސަރުކާރުގެ ފަރާތުން ރައްޔިތުންގެ މަޖިލީހަށް ފޮނުވައިފިއެވެ.
ބަންޑާރަނައިބު އިބްރާހިމް ރިފްއަތު ވިދާޅުވީ ޖޭއެސްސީ އެކުލެވިގެންވާ ގޮތް އިޞްލާޙުކުރުމަށްޓަކައި ޤާނޫނުއަސާސީއަށާއި ޤާނޫނަށް ގެންނަންޖެހޭ އިޞްލާޙުތައް އެކުލެވޭ 2 ބިލު މަޖިލީހަށް ހުށަހެޅުމަށްޓަކައި މިއަދު ފޮނުވައިފައިވާ ކަމަށެވެ.
މަޖިލީހަށް ހުށަހަޅާ މައިގަނޑު ބަދަލަކީ ޖޭ.އެސް.ސީ. ގެ މެންބަރުންގެ ޢަދަދަކީ 7 ކަމުގައި ކަނޑައަޅައި، ރައީސުލްޖުމްހޫރިއްޔާގެ މެންބަރާއި، ރައްޔިތުންގެ މަޖިލީހުގެ ރައީސާއި، ސިވިލް ސަރވިސް ކޮމިޝަންގެ ރައީސް، ޖޭ.އެސް.ސީ. ގެ މެންބަރުންގެ ގޮތުގައި ނުހިމެނޭ ގޮތަށް ކަނޑައެޅުން ކަމަށް ރިއްފަތު ވިދާޅުވިއެވެ.
އަދި މިގޮތަށް ހުށަހެޅީ ޝަރުޢީ ދާއިރާގެ މައްޗަށް ދައުލަތުގެ އެހެން ބާރުތަކުން ނުފޫޒު ފޯރުވުން ހުއްޓުވުމަށާއި މިކަންކުރަން އެންމެ އެކަށޭނެ ގޮތެއް ހޯދުމަށް ޝަރުޢީ ދާއިރާއާއި އެނޫންވެސް ފަރާތްތަކާއި ޤާނޫނީ ފަންނުގެ ދާއިރާއާއި މަދަނީ ޖަމްޢިއްޔާތަކާއި ޢާންމުންގެ ޚިޔާލާއި މަަޝްވަރާގެ އަލީގައި ކަމަށް ވެސް ރިއްފަތު ވިދާޅުވިއެވެ.
މީގެ އިތުރުން ޝަރުޢީ ދާއިރާ އިޞްލާޙުކުރުމަކީ އިޖުތިމާޢީ ޢަދުލުވެރިކަމުގެ ދާއިރާއިން އަދުގެ ސަރުކާރުން ވެފައިވާ އެންމެ މުހިންމު އެއް ވަޢުދު ކަމަށާއި މި މަސައްކަތް 2019 ގައި ފަށާފައިވާ ކަމަށް ރިއްފަތު ވިދާޅުވިއެވެ.
ރިޔާސީ ދައުރު ނިމެން 3 މަސް ވީމާ ތޯ ޖުޑިޝަރީގެ އިސްލާހުގެ މަތިން ހަދާންވީ، ބަންޑާރަ ނާއިބުގެ އޮފީސްހިންގަން ޤާނޫނެއް ހެދުން މާމުހިންމު ނުންތޯ، މިހާރުވެސް ބަންޑާރަ ނާއިބް މަޖިލިސް އަދަގޮޑީގައި ހުންނަތާ އެތަކެއް ދުވަސްވެއްޖެ !