މޯލްޑިވްސް ޓްރެވަލް އެވޯޑްސްއަށް ނަން ހުށައެޅުމުގެ ފުރުސަތު ހުޅުވާލައިފި
މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާރ އޮޕަރޭޓާސް، މަޓާޓޯއިން އިންތިޒާމްކުރާ މޯލްޑިވްސް ޓްރެވަލް އެވޯޑްސްއަށް ނަން ހުށަހެޅުމުގެ ފުރުޞަތު ހުޅުވާލައިފިއެވެ.
މިއެވޯޑަށް ނަން ހުށައެޅުމަށް ހުޅުވާލާފައި ވަނީ ޖޫންމަހުގެ 25 އިން ފެށިގެން އަންނަ ޖުލައި މަހުގެ 10 ވަނަ ދުވަހުގެ ނިޔަލަށެވެ.
މޯލްޑިވްސް ޓްރެވަލް އެވޯޑްސް ދިނުމަށް ހަމަޖެހިފައިވަނީ ރާއްޖޭގެ އެންމެ ފާހަގަކޮށްލެވޭ ގެސްޓުހައުސްތަކާއި ސަފާރީތަކާއި ރިސޯޓުތަކުގެ އިތުރުން ދާއިރާގެ އެހެނިހެން ހިދުމަތްތެރިންނަށެވެ.
ޓްރެވަލް އެވޯޑްސްގައި ގިނަ ކެޓަގަރީތަކަކުން އެންމެ މޮޅު ރިސޯޓު ވަކިވަކިން ހޮވުމަށް ވަނީ ހަމަޖެހިފައެވެ. އެގޮތުން އެންމެ މަގުބޫލު ފެމިލީ ފްރެންޑްލީ ރިސޯޓާއި އެންމެ ރަނގަޅު ޑައިވް އަދި ބީޗް ރިސޯޓު ހޮވާގޮތަށް ވަނީ ނިންމާފައެވެ.
މި އަހަރުގެ ޓްރެވަލް އެވޯޑްސްގެ ގާލާ ހަފުލާ ބޭއްވުމަށް ނިންމާފައިވަނީ އޮގަސްޓު މަހުގެ 24 ވަނަ ދުވަހުއެވެ.
