Monday, 16 November 2026
Advertisement
Ooredoo — Airfibre (leaderboard)
ޚަބަރު

ގޯއްޗާއި ފްލެޓްގެ ބޭނުމުގައި ރައީީސް ޞާލިޙުގެ ފައިބުޑަށް ނުވެއްޓޭނަން: ޙަސަން

ގޯއްޗާއި ފްލެޓްގެ ބޭނުމުގައި ރައީީސް ޞާލިޙުގެ ފައިބުޑަށް ނުވެއްޓޭނަން: ޙަސަން
ގޯތި ނުވަތަ ފްލެޓް ހޯދުމުގެ ބޭނުމުގައި، ރައީސް އިބްރާހީމް މުޙައްމަދު ޞާލިޙުގެ ފައިބުޑަށް ވެއްޓިވަޑައިނުގަންނަވާނެ ކަމަށް އެމްޑީޕީގެ ކުރީގެ ޗެއާޕާސަން، އަދި މަޖިލީހުގެ ހެންވޭރު ހުޅަނގު ދާއިރާގެ މެމްބަރު ޙަސަން ލަޠީފު ވިދާޅުވެއްޖެއެވެ. ރައީސް މުޙައްމަދު ނަޝީދަށް ތާޢީދު ކުރައްވާ ފަރާތްތަކުން އުފައްދަން މަސައްކަތް ކުރަމުން އަންނަ "ދަ ޑިމޮކްރެޓްސް"ގެ މުއައްސިސް، ޙަސަން ލަޠީފު މިހެން ވިދާޅުވީ، ހިލޭ ބަހާ ގޯތި ލިބުނު މީހުންގެ ވަގުތީ ލިސްޓުގައި ޑިމޮކްރެޓްސްގެ އިސް ފަރާާތްތަކުގެ ނަން ހިމެނުމުން އަމާޒުވާ ފާޑުކިޔުންތަކަށް ރައްދު ދެއްވައި، ކުރެއްވި ޓްވީޓުތަކެއްގައެވެ.

އޭނާ ވިދާޅުވީ، "ބިންވެރިޔާ" ސްކީމުގައި ބައިވެރިނުވުމަށް އެއްވެސް މީހެއްގެ ގާތުގައި ވިދާޅުވެފައި ނޯންނާނެ ކަމަށާއި، އެ ސްކީމުގައި ބައިވެރިވުމަށް އޭނާ ވަރަށް ބޮޑަށް ބާރުއަޅުއްވާފައިވާނެ ކަމަށެވެ.

ސަރުކާރުން ދޭ ގޯތި ލިބުނު މީހުންގެ ލިސްޓުގައި އޭނާގެ ނަން އޮވެގެން ސަރުކާރަށް ތާއީދު ކުރާ ބައެއް ފަރާތްތަކުން މަލާމާތް ކުރި ނަމަވެސް، ރައީސް ޞާލިހަށް ސަނާ ކިޔައި، ގޯތި ނުވަތަ ފްލެޓު ހޯދުމުގެ ބޭނުމުގައި އެމަނިކުފާނުގެ ފައިބުޑަށް ވެއްޓިވަޑައިނުގަންނަވާނެ ކަމަށް ވެސް ޙަސަން ވިދާޅުވިއެވެ.

ޙަސަންގެ އިތުރުން ވެސް ދި ޑިމޮކްރެޓްސްއަށް ނިސްބަތްވާ ބޭފުޅުންގެ ތެރެއިން ގޯތި ލިބުނު ފަރާތްތައް ގެންދަވަނީ ރައީސް ޞާލިހަށް ފާޑުވިދާޅުވަމުންނެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.