Saturday, 14 November 2026
Advertisement
Allied Insurance (leaderboard)
ސިއްޙަތު

ދަރިވަރުންގެ ދަބަސް ބަރުވާ މައްސަލައަށް ހައްލެއް: މިފަހަރު ދޭނީ ބޭރުގަނޑު ތުނި ފޮތް

ދަރިވަރުންގެ ދަބަސް ބަރުވާ މައްސަލައަށް ހައްލެއް: މިފަހަރު ދޭނީ ބޭރުގަނޑު ތުނި ފޮތް

ސުކޫލު ދަރިވަރުންގެ ދަބަސް ބަރުވާ މައްސަލަ ޙައްލުކުރުމަށް މޮނިޓަރ ފޮތުގެ ބަދަލުގައި ދެން ދޫކުރާނީ ބޭރުގަނޑު ތުނި ފޮތްކަމަށް މިނިސްޓްރީ އޮފް އެޑިއުކޭޝަނުން ބުނެފިއެވެ.

މިގޮތަށް ނިންމީ ދަރިވަރުންގެ ފޮތް ދަބަސް ލުއިކުރުމަށްކަމަށް އެ މިނިސްޓްރީގެ ޑެޕިއުޓީ މިނިސްޓަރު އަހުމަދު އިހްސާން ވިދާޅުވިއެވެ. މި އަހަރު ދަރިވަރުންނަށް ދޫކުރި ފޮތް ލިސްޓުގައިވެސް ހިމަނާފައިވަނީ ތުނި ކަވަރުލީ ފޮތެވެ. އަދި ފޮތް ވިއްކާ ފިހާރަތަކުން މި ފޮތްތައް މިހާރު ލިބެން ހުރި އިރު، އެ ފޮތްތަކުގެ ބޭރުގައި ސެލޯފިން ކަވަރެއްވެސް ލައްވާފައި ހުރެއެވެ.

ބަރު ފޮތްދަބަސް އުފުލައިގެން ބުރަކަށީގައި ރިއްސާތީ ޑޮކްޓަރަށް ދައްކާ ކުދިންގެ އަދަދު ގިނަވެފައިވާއިރު، އެކަމުގެ ކަންބޮޑުވުން ޑޮކްޓަރުންވެސް ވަނީ މީގެކުރިން ޙިއްސާކޮށްފައެވެ. އަދި ކުދިންގެ ބަރުދަނަށް ބަރު ދަބަސް ބުރަކަށީގައި އަޅުވާނަމަ، އެކަމުގެ ނޭދެވޭ އަސަރު އެކުދިންގެ ހެދި ބޮޑުވުމަށާއި، ބުރަކައްޓާއި، ކަނދުރާ އަދި މޭމަތީގެ ކާވް އާ ގުޅިފައިހުންނަ ހިސާބުތަކަށް ކުރާނެކަމަށް ކަށީގެ ޚާއްޞަ ޑޮކްޓަރުން ވިދާޅުވެއެވެ.

Advertisement
Ooredoo — Truecaller (box)

ބަރު އެއްޗެއް އުފުލާނަމަ، އެ ވާންޖެހޭނީ އެމީހެއްގެ ނުވަތަ އެ ކުއްޖެއްގެ ބަރުދަނުގެ 10 ޕަސެންޓަށް ވާވަރުގެ އެއްޗަކަށް ކަމަށް ދިރާސާ ތަކުންވެސް ދައްކައެވެ. މިކަމުގެ ޝަކުވާއަކީ މީގެ އެތަކެއް އަހަރު ކުރިން ފެށިގެން ބެލެނިވެރިންވެސް ކުރަމުން އަންނަ ޝަކުވާއެކެވެ.

ސުކޫލް ތަކުން ދަރިވަރުންނަށް ޓެބްލެޓް ބޭނުންކުރަން ދޭން ފެށި ފަހުން މި މައްސަލައަށް ހައްލެއް ލިބޭނެކަމަށް ބެލެނިވެރިންނާއި ދަރިވަރުން އުންމީދުކުރި ނަމަވެސް ޓެބްލެޓް ބޭނުންކުރަން ފެށި ފަހުންވެސް ގިނަ މާއްދާތައް ކިޔަވައިދެނީ ފޮތުންނެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.