Saturday, 14 November 2026
Advertisement
Ooredoo — Article-Top (leaderboard)
ޚަބަރު

އެމްޑީޕީ ރޫޅައިލަން ރައީސް ނަޝީދަށް އިތުރަށް ކުރެއްވޭނެ ކަމެއް ނެތް: މަވޯޓާ

އެމްޑީޕީ ރޫޅައިލަން ރައީސް ނަޝީދަށް އިތުރަށް ކުރެއްވޭނެ ކަމެއް ނެތް: މަވޯޓާ

އެމްޑީޕީ ރޫޅާލާނޭ ކަމުގެ އިންޒާރު އެޕާޓީގެ ކުރީގެ ރައީސް މުޙައްމަދު ނަޝީދު ދެއްވިޔަސް ޕާޓީ ރޫޅާލަން އެމަނިކުފާނަށް އިތުރަށް ކުރެއްވޭނޭ ކަމެއްނެތް ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް ވިދާޅުވެއްޖެއެވެ.

ރައީސް ނަޝީދާއި އިތުރު ބަޔަކު "ދަ ޑިމޮކްރެޓްސް"އަށް ސޮއި ކުރެއްވުމަށް ބޭއްވި ޖަލްސާއެއްގައި ވާހަކަފުޅު ދައްވަކަމުން ރައީސް ނަޝީދު ވަނީ އެމްޑީޕީ ރޫޅާލާނޭ ކަމުގެ އިންޒާރު ތަކުރާރުކޮށް ދެއްވައިފައެވެ.

އެޕާޓީ މިހާރު ވެސް އަންނަނީ ރޫޅެމުން ކަމަށް ވެސް އެމަނިކުފާނު ވަނީ ވިދާޅުވެފައެވެ.

Advertisement
Ooredoo — Square (box)

މިކަމާ ގުޅިގެން ޝަރީފް ވިދާޅުވެފައިވަނީ ފާއިތުވި ހަތަރު އަހަރު ރައީސް ނަޝީދު ގެންދެވީ އިދިކޮޅު ފަރާތްތަކާ ގުޅިގެން ސަރުކާރު "ކުޑަކަކޫ" މައްޗަށް ތިރިކޮށް އެމްޑީޕީ ރޫޅާލުމަށް މަސައްކަތް ކުރައްވަމުން ކަމަށެވެ.

އެހެންނަމަވެސް ރައްޔިތުންގެ މަޖިލިސްގެ ރައީސްކަން ގެއްލޭ ހިސާބަށް ގޮސްފައިވަނިކޮށް އެމްޑީޕީ ރޫޅައިލަން އެމަނިކުފާނަށް ކުރެވޭނެ ކަމެއްނެތް ކަމަށް ވެސް ޝަރީފް ވަނީ ވިދާޅުވެފައެވެ.

އެމްޑީޕީގެ ރިޔާސީ ޕްރައިމަރީއަށް ފަހުގައި، އެ ޕާޓީގެ ތެރެއިން އުފެދުނު ބައިބައިވުމާއެކު، ރައީސް ނަޝީދުގެ ފެކްޝަނުން ވަނީ އައު ސިޔާސީ ޕާޓީ، ޑިމޮކްރެޓްސް އުފައްދައިފައެވެ. އެމްޑީޕީގެ މެޖޯރިޓީ އޮތީ އެ ޕާޓީގައި ކަމަށް ރައީީސް ނަޝީދު ކުރިން ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.