ތިލަމާލެ ބްރިޖް މަޝްރޫޢު ކުރިއަށް ގެންދިޔުމަށް، އިތުރު ޕްލެޓްފޯމެއް ގެނެސްފި

ތިލަމާލެ ބްރިޖުގެ މަޝްރޫޢުއަށް އިތުރު ޕްލެޓްފޯމެއް ގެނެސް ބޭނުންކުރަން ފަށައިފިއެވެ.
ސަރުކާރުގެ އިސް އޮފިޝަލަކު ވިދާޅުވި ގޮތުގައި މި ޕްލެޓްފޯމް ބޭނުންކޮށްގެން މާލެ އާއި ވިލިމާލެއާ ދެމެދު 24 ޕައިލެއްގެ މަސައްކަތް ކުރާނެއެވެ. ތިލަމާލެ ބްރިޖު މަޝްރޫއަށް ޕައިލިންގެ މަސައްކަތަށް ޕްލެޓްފޯމެއް ގެނެސް ބޭނުންކުރަން ފަށާފައިވާއިރު މީގެ ކުރިން "ރުމެއިލާ" ނަމަކަށް ކިޔާ ޕްލެޓްފޯމެއް ބްރިޖުގެ މަސައްކަތަށް ބޭނުންކުރިއެވެ. މީގެ އިތުރުން ބްރިޖު މަޝްރޫއުގައި މޫދުގެ ތިލަ ހިސާބުތަކުގެ ޕައިލިންގެ މަސައްކަތްކުރަނީ "މަހަރާނީ" ނަމަކަށް ކިޔާ ޕްލެޓްފޯމެކެވެ.
ތިލަމާލެ ބްރިޖު އަޅަނީ އިންޑިއާގެ 100 މިލިއަން ޑޮލަރުގެ ހިލޭ އެހީ އާއި 400 މިލިއަން ޑޮލަރުގެ ލޯނު ފައިސާއިންނެވެ.
ރާއްޖޭގައި ހުންނަ އިންޑިއާ އެމްބަސީން ބުނެފައިވާ ގޮތުގައި 400 މިލިއަން ޑޮލަރަކީ އެ ގައުމުން ރާއްޖެއަށް ދިން 800 މިލިއަން ޑޮލަރުގެ ކްރެޑިޓް ލައިންގެ ބައެކެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.