އުދައެރުން ހުއްޓެންދެން، ޒަރޫރީ ދަތުރުތައް މެނުވީ ނުކުރުމަށް ފުލުހުން އިލްތިމާސްކޮށްފި

މައުލޫމާތު ލިބޭގޮތުގައި މިއަދު މެންދުރު ފަހު 2 ހާއިރުން ފެށިގެން މާލެ އާއި ހުޅުލެ، ހުޅުމާލެ އަދި މާލެ-ހުޅުމާލެ ހައިވޭއަށް ބޮޑެތި ރާޅު އަރަމުންދާއިރު، މީސްމީޑިއާގައި ދައުރުވަމުންދާ ވީޑިއޯތަކުންނާއި ފޮޓޯތަކުން ރާޅު އަރައިގެން އަންނަ ވަގުތު ހައިވޭ އިން ދުއްވާފައި ދާ ސައިކަލުތަކާއި މީހުން ރާޅާ އެކު ވެއްޓޭ ތަން ފެނެއެވެ.
ހަމައެއާއެކު، އާޓިފިޝަލް ބީޗު ސަރަހައްދަށް އުދައަރައި އެ ސަރަހައްދުގައި ހުރި ޑަސްބިންތައް ވެސް އޮޔާ ދާތަން ފެންނަ ވީޑިއޯތައް އާންމުވަމުންދާއިރު، ފެންގަނޑުގެ އޮއި ގަދަކަމުން ސައިކަލުގައި ދާ މީހުން ވެއްޓޭ މަންޒަރުވެސް ފެނެއެވެ.
[caption id="attachment_192550" align="alignnone" width="1024"]
ސިނަމާލެ ބްރިޖަށް އެރި ރަޅަކާއެކު މީހުން ވިއްސައިގެން ދާ މަންޒަރު ދައްކުވައިދޭ ވީޑިއޯއެއްގެ ސްކްރީން ޝޮޓެއް[/caption]
ދިވެހި ފުލުހުންގެ ޚިދުމަތުންވެސް ވަނީ ރާޅުގަނޑު ސަރަހައްދުން އުދަ އަރަމުންދާތީ، އެ ސަރަހައްދުން އެއްގަމު އުޅަނދުގައި ދަތުރުކުރާ މީހުން ސަމާލުވުމަށް އިލްތިމާސްކޮށްފަ އެވެ.
މާލެ ރާޅުގަނޑު ސަރަހައްދަށް އުދަ އަރަމުންދާތީ، އެ ސަރަހައްދުން އެއްގަމު އުޅަނދު ދުއްވާ ފަރާތްތަކުން ސަމާލުވުމަށް ދަންނަވަން.
— Maldives Police (@PoliceMv) August 5, 2023
މައުލޫމާތު ލިބޭގޮތުގައި ހުޅުމާލޭ އިރުމަތީ ފަރާތުން އުދައަރައި އެ ސަރަހައްދުގައި ހުންނަ ކެފޭތަކާ ހަމައަށްވެސް ލޮނުގަނޑު ވަނީ ފޯރާފައެވެ.
މޫސުމާއި ބެހޭ ގައުމީ އިދާރާއިންވެސް ވަނީ މިއަދުގެ ވަގުތެއްގައި ކ. އަތޮޅުން ފެށިގެން އައްޑޫސިޓީގެ ސަރައްހައްދުގެ ރަށްތަކަށް އުދަ އެރުމަކީ އެކަށީގެންވާ ކަމެއް ކަމަށް ބުނެ ވައިޓް އެލާޓްވެސް ނެރެފައެވެ. މީގެ އިތުރުން، މިއަދު ރާއްޖޭގެ އެކި ހިސާބަށް ކެރީގެ އަސަރު ފޯރާނެ، އަދި ބައެއް ރަށްތަކަށް ގުގުރުން އެކަށީގެންވާކަމަށްވެސް މެޓް އޮފީހުން މައުލޫމާތުދީފައިވެއެވެ.



.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.