Monday, 16 November 2026
Advertisement
Ooredoo — Article-Top (leaderboard)
ޚަބަރު

މިދިޔަ ފަސް އަހަރު ކުރަން ޖެހުނު ކަމަކީ ބަޔަކު ހާވާފަ ހުރި ހަޑި ސާފު ކުރުން: ފައްޔާޒު

މިދިޔަ ފަސް އަހަރު ކުރަން ޖެހުނު ކަމަކީ ބަޔަކު ހާވާފަ ހުރި ހަޑި ސާފު ކުރުން: ފައްޔާޒު
މިދިޔަ ފަސް އަހަރު ކުރަން ޖެހުނު ކަމަކީ ބަޔަކު ހާވާފަ ހުރި ހަޑި ސާފު ކުރުން ކަމަށް އެމްޑީޕީގެ ޗެއާޕާސަން ފައްޔާޒު އިސްމާއީލު ވިދާޅުވެއްޖެއެވެ. މާލޭ ސޯޝަލް ސެންޓަރުގައި މިރޭ ބޭއްވި ބޮޑު ޖަލްސާގައި ވާހަކަފުޅުދައްވަމުން ފައްޔާޒު ވިދާޅުވީ މެނިފެސްޓޯގެ މި ސިޔާސަތުތަކަކީ މިދިޔަ 20 އަހަރެއްހާ ދުވަހު މަގުމަތީގައި ރައްޔިތުންނާއެކު އުޅެ ވާހަކަދައްކައި ސަރުކާރުގެ 5 އަހަރުން ކުރި ތަޖުރިބާއާ މެދު ވިސްނައިގެން އެކުލަވާލި ސިޔާސަތުތަކެއް ކަމަށެވެ. އަދި ކޮވިޑް ވެސް އައިސް ދިޔައިރު ވެސް މި ސަރުކާރު ނުދަރާ ކަމަށާއި އަދިވެސް ކުރިޔަށް ދަނީ ރަނގަޅު ސިޔާސަތުތަކާއި ޕްލޭންތައް ކުރެވިގެން ކަމަށް ފައްޔާޒު ވިދާޅުވިއެވެ. “ކުރިއަށް ވުރެ މާ ވަރުގަދަ އިގްތިސާދަކަށް އަޅުގަނޑުމެން މިވަނީ ބަދަލުވެފައި, ދަރާ ވާހަކަ ދައްކާ އިރު އެއްވެސް ބޭފުޅަކަށް ނުދެންނެވޭ އެބޭފުޅުންގެ ސިޔާސަތަކީ ކޮބާކަމެއް ނުދެރުމަށް” ކަމަށް ފައްޔާޒު ވިދާޅުވިއެވެ.

މިރޭ ބޭއްވި ޖަލްސާގައި ވަނީ މެނިފެސްޓޯގެ އެންމެ ފަހު ސިޔާސަތު "އިގުތިސާދީ ބޮޑު ބަދަލު" އިއުލާންކޮށްފައެވެ. އެ ސިޔާސަތު ބަހާލާފައި ވަނީ ހަތަރު ބަޔަކަށެވެ. އެއީ ބާރުވެރި އިގުތިސާދު، އިގުތިސާދީ ހަރަކާތްތަކުގައި އެންމެ ބައިވެރިވުން، އެކާވީސްވަނަ ގަރުނަށް މާލީ ދާއިރާ އަދި ވިލުންތެރި އިގުތިސާދެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.