"ދިވެހީންގެރާއްޖެ" ނަމުގައި ޒުވާނުންގެ ސައިކަލު ބުރެއް ބާާއްވަނީ

"ދިވެހީންގެރާއްޖެ" މި ނަމުގައި ޕްރޮގްރެސިވް ކޮންގްރެސް ކޯލިޝަނަށް ތާއީދު ކުރާ ޒުވާނުން ސައިކަލު ބުރެއް ބޭއްވުމަށް ނިންމައިފިއެވެ.

މި ސައިކަލު ބުރު އޮންނާނީ، އަންނަ މަހުގެ ފުރަތަމަ ދުވަހު، ހުޅުމާލޭގައެވެ. އެ ދުވަހު 4:00ގައި، މި ސައިކަލު ބުރު ފެށުމަށް ހަމަޖެހިފައިވަނީ ހުޅުމާލެ ފެރީ ޓާމިނަލް ކުރިމަތިންނެވެ. ޕީޕީއެމް-ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު، އަތޮޅުތެރެއަށް ދަތުރުފުޅު ކުރައްވަމުން އަންނައިރު، އެމަނިކުފާނު މިހާރު ވަޑައިގެން އުޅުއްވަނީ ރ.އަތޮޅުގައެވެ. އެ އަތޮޅު ދުވާފަރުގައި މިރޭ ޖަލްސާއެއް ވެސް އޮންނާނެއެވެ. ރ އަތޮޅަކީ އިދިކޮޅު ޕީޕީއެމަށް ތާއީދު ބޮޑު އަތޮޅެކެވެ. މިރޭ ޕީޕީއެމް-ޕީއެންސީގެ މައްޗަންގޮޅީ ދެކުނުގެ ޖަގަހައެއް ހުޅުވުން ވެސް، 8:30ގައި އެބައޮތެވެ. މި ޖަގަހަ ހުޅުވައިދެއްވާނީ މުއިއްޒުގެ ރަނިންމޭޓް، ޙުސައިން މުޙައްމަދު ލަތީފެވެ.