ހުރިހައި ކެންޑިޑޭޓުންނަށް ވެސް ރިޔާސީ ބަހުސްގައި ބައިވެރިވެވަޑައިގަތުމަށް ފުރުސަތު ދީފި

އާއްމުންގެ ޚިޔާލު ހޯދުމަށްފަހުގައި ސަންގު ޓީވީއާއި ޕީއެސްއެމް ގުޅިގެން ބާއްވާ ރިޔާސީ ބަހުސްއަށް، ހުރިހައި ކެންޑިޑޭޓުންނަށް ފުރުސަތު ދިނުމަށް ނިންމައިފިއެވެ.

Ads by MWSC

އެންމެ ފުރަތަމަ "ސަންގު ބަހުސް" ބާއްވަން ނިންމައިފައިވަނީ، ހަމައެކަނި ސިޔާސީ ޕާޓީތަކުގެ ކެންޑިޑޭޓުންގެ މެދުގައެވެ.

ނަމަވެސް، އާއްމުންގެ ޚިޔާލަށް އެހުމުން، އަމިއްލަ ގޮތުން ވާދަކުރައްވާ ކެންޑިޑޭޓުންނަށް ވެސް ފުރުޞަތު ދިނުމަށް އެދިފައިވުމުން، އެ ކެންޑިޑޭޓުން ވެސް ބައިވެރިކުރަން ނިންމައި، ދަޢުވަތު ފޮނުވިއެވެ. ސަންގު ޓީވީން ބުނީ، ހުރިހައި ކެންޑިޑޭޓުން ވެސް ދަޢުވަތު ޤަބޫލު ކުރެއްވި ކަމަށެވެ. އެހެންކަމުން، މި ބަހުސްއިން އިންތިޚާބުގައި ވާދަ ކުރައްވާ 08 ކެންޑިޑޭޓުން ވެސް ފެނިގެންދާނެއެވެ.

ސަންގު ބަހުސް ބޭއްވުމަށް ނިންމާފައިވަނީ ސެޕްޓެމްބަރު މަހުގެ 02 ވަނަ ދުވަހުގެ 21:00 އިން 23:00 އަށެވެ.