Monday, 16 November 2026
Advertisement
STO — McCoy (leaderboard)
ޚަބަރު

ޤާސިމްގެ ރިވެތި ސިފަތައް ވިދާޅުވެދެއްވަމުން، އައިޝާއަށް ކީރިތި ކުރެވިއްޖެ

ޤާސިމްގެ ރިވެތި ސިފަތައް ވިދާޅުވެދެއްވަމުން، އައިޝާއަށް ކީރިތި ކުރެވިއްޖެ

ޖުމްހޫރީ ޕާޓީގެ ރިޔާސީ ކެންޑިޑޭޓް، ޤާސިމް އިބްރާހީމަކީ ވަރަށް ހިތްތިރި، އަދި އިމޯޝަނަލް ބޭފުޅެއް ކަމަށް، އޭނާގެ އަނބިކަނބަލުން އަދި ޓްރާންސްޕޯޓް މިނިސްޓަރު، އައިޝަތު ނަހުލާ ވިދާޅުވެއްޖެއެވެ.

"އައިޝާގެ ދުލުން" މި ނަމުގައި ގެނެސްދިން ޝޯއެއްގައި ޤާސިމްގެ އަނބިކަނބަލުން އައިޝާ ވަނީ އޭނާ އާއި ގުޅޭ ގިނަ ވާހަކަތަކެއް ހިއްސާ ކުރައްވައިފައެވެ. އައިޝާ ވިދާޅުވީ، ޤާސިމަށް އެކަމަނާގެ ހަބެއިންނަށް ގިނަ ވަގުތު ނުދެއްވުނަސް، އެކުދިންނާއިއެކުގައި ކުޅުއްވާއިރު، ތުއްތު ކުއްޖެއް ފަދައިން އުޅުއްވާ އުޅުއްވުން ވަރަށް ފާހަގަކުރެއްވޭ ކަމަށެވެ. އަދި ވިދާޅުވީ ޤާސިމަކީ ވަރަށް ހިތްތިރި ބޭފުޅެއް ކަމަށެވެ. އައިޝާއަށް މި ވާހަކަ ހިއްސާ ކުރެއްވިއިރު، ކީރިތި ވެސް ކުރެއްވުނެވެ.
"އެކަހަލަ މައުސޫމް އަދި ހިތްތިރި ބޭފުޅަކަށް، މީހުން ކިޔާ އެއްޗެހި ހިތަށް އެރީމަ ދެރަވަނީ، ޤާސިމް ޙަޤީޤަތުގައި، މި ރާއްޖޭގެ ރައްޔޔިތުންނަށް ނޭނގޭވަރު ހިތަށް އެރީމަ ދެރަވަނީ. އެހާ ސާފު ބޭފުޅެއްކަން ދެއްތޯ." އައިޝާ ކީރިތި ކުރައްވަމުން ވިދާޅުވިއެވެ.
ޤާސިމަށް ތަޢުރީފު ކުރައްވައި އައިޝާ އިތުރަށް ވިދާޅުވީ، ޤާސިމް ވަރަށް ތުއްޕުޅުއިރު މަންމަ ނިޔާވިކަމުގައި ވިޔަސް، ވަރަށް ހިތްވަރު ކުރައްވައި، ޤައުމު ފަޚުރުވެރިވާ ފަދަ ކާމިޔާބީއެއް ހޯއްދެވި ކަމަށެވެ. މާމިގިލި ދާއިރާގެ މެމްބަރު، ޤާސިމަކީ ވަރަށް އިޙްސާާންތެރި، އަދި ޚުލްޤު ހެޔޮ ބޭފުޅެއް ކަމަށް ވެސް އެކަމަނާ ވިދާޅުވިއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.